Tolik Faiq Ağayevi ittiham etdi

Prodüser Tolik xalq artisti Faiq Ağayevin ünvanına ağır ittihamlar səsləndirib. 

   Prodüser Tolik xalq artisti Faiq Ağayevin ünvanına ağır ittihamlar səsləndirib. Qalmaqallı prodüsser Tarix Əliyev xalq artisti Faiq Ağayevin Türkiyə şou-biznesinə qoşulan müğənnilərimiz haqqında dediyi sözlərdən qəzəblənib. Tolik sosial şəbəkədə bu haqda belə yazıb:

    “Deyirəm, Faiq Ağayev hərdən özünü şou-biznesin əsas füqurlarından sayır. Deyir ki, “Qoy, həmkarlarım getsin Türkiyəyə. Burdakı vəziyyətə mən baxıram”. Faiq, Sən bilirsən hansı şou-biznesin vəziyyətinə baxa bilərsən? O yanındakı bəzi müğənniciklərlə hərdən yığışıb bir yerə nəsə etmək istəyirsiniz, amma alınmır. Bax, oradır. Danışanda hərə öz adından danışsın, cəm halında yox!”

    “Avroviziya 2012” mahnı müsabiqəsinin qalibi Nigar Camal yeni reklam çarxına çəkilir. Axşam.az-ın məlumatına görə, müğənni İnstaqram səhifəsində çəkilişdən fotoları paylaşıb. Sənətçi yenə paytaxtın əyləncə mərkəzlərindən birinin reklam siması olacaq.

    Müğənni Ayan Babakişiyeva özünə yeni titul verib. Sənətçi açıqlamasında özünü “İlklər kraliçası” adlandırıb. O, hətta bu adı notariusda təsdiqlədəcəyini də deyib: “Şou-biznesdə etdiyim bir çox şeyləri müğənnilər sonradan gündəmə gətirməyə başladılar. Dedim ki, brend geyinirəm. İndi hamı brend markanın saxtasını alır, heç adını da düzgün deyə bilmir. Efirdə sinələrinə döyürlər ki, filan firmadan geyinirəm. Qiymətini şişirdirlər. Mən onlara baxanda gülürəm. Buna görə də özümə “İlklər kraliçası” adını verdim. Gedib bu titulu notariusda təsdiqlədəcəm. Qoy, bəzi sənətçilər ardımca gəlsinlər. Bunun nəyi pisdir ki?“.

    Əməkdar artist Firuzə İbadova şou-biznesin durumundan şikayətlənib.Lent.az-ın məlumatına görə. o, şou aləmində böyük-kiçik yeri bilənlərin yox olduğunu bildirib. “Həmişə müsahibələrimdə qeyd etmişəm ki, gənc müğənnilər qabiliyyətlidirlər. Amma son zamanlar bunun əksini görürəm. Sənətdə az təcrübəsi olanlar ilk əvvəl xalq artisti İlhamə Quliyevaya qarşı çıxdılar, sonra keçdilər başqa müğənnilərə. Ad çəkməyəcəm, amma artıq onlarla müharibəyə başlayıram. Bu günə qədər susdum, yetər, artıq susmayacam. İndiki müğənnilər on min, on beş minə toya gedir. Biz isə aşağı qiymətə gedirik. Adama deyərlər ki, bu qiyməti sizin üçün kim müəyyənləşdirib? Heç nə olmaz, haqq-ədalət bərpa olunacaq”.

 

Sahilə Aslanova

 

Muz-Tv.az