“Bu şəhərdə” kollektivi hər kəsi qəhqəhələrə boğdu

“Bu şəhərdə” kollektivinin çoxdan gözlənilən “İsti rahət” adlı konserti baş tutub. Noyabrın 6-da reallaşan gecədə bir çox məşhurlarımız da iştirak edib. 

    “Bu şəhərdə” kollektivinin çoxdan gözlənilən “İsti rahət” adlı konserti baş tutub. Noyabrın 6-da reallaşan gecədə bir çox məşhurlarımız da iştirak edib. Bir neçə saat əvvəl təyyarədən enən əməkdar artist Elza Seyidcahan da məhz bu kollektiv üçün konsertə təşrif buyurduğunu deyib.

     Nəhayət konsert başladı. Son zamanların əsas mövzusuna çevrilən Təranə Qumral və Musa Musayev qalmaqalı Coşqun və Rafael cütlüyündən də yan keçməyib. Belə ki, kollektiv bu məsələyə özünəməxsus şəkildə münasibət bildirərək hər kəsi qəhqəhələrə boğub.

    Daha sonra aparıcılıq missiyasını öz üzərinə götürən Nəsib Nur növbəti səhnəciyi təqdim etmək üçün söz alıb. O, da gecənin səbəbkarlarından heç də geri qalmayaraq gələn qonaqlarla zarafat edib.

     Bir-birinin ardınca gülməli səhnəciklər təqdim edən Rafael və Coşqun cütlüyü paytaxt sakinlərinə unudulmaz gecə yaşadıblar. Qeyd edək ki, “Bu şəhərdə” kollektivinin  “İsti rahət” adlanan silsilə konsertləri noyabrın 9-dək davam edəcək.

 

Sahilə Aslanova

Vüsal Həşimov

 

Muz-Tv.az