Araz Ağalarovun 58 yaşı tamam olur

Bu gün iqtisad elmləri doktoru, Ümumrusiya Azərbaycan Konqresinin vitse-prezidenti, "Krokus Group" holdinqin prezidenti, iş adamı Araz Ağalarovun doğum günüdür.

    Bu gün iqtisad elmləri doktoru, Ümumrusiya Azərbaycan Konqresinin vitse-prezidenti, "Krokus Group" holdinqin prezidenti, iş adamı Araz Ağalarovun doğum günüdür. Araz  Ağalarovun 58 yaşı tamam olur. Ad günündə onu oğlu, bəstəkar-ifaçı Emin Ağalarov daxil olmaqla yaxınları və bir çox dostları təbrik edib. Araz Ağalarovun ailə dostu, keçmiş SSRİ xalq artisti Tamara Sinyavskaya da təbriklərə qoşulub: "Ailəmizin böyük və əsl dostu Araz Ağalarovu məmnuniyyətlə təbrik edirəm. Araz çox səmimi, ciddi, yaradıcı insandır. Ona sağlamlıq, enerji, xoşbəxtlik və hər sahədə, xüsusilə, biznesdə uğur arzulayıram".

    Bu gün meyxanaçı Namiq Qaraçuxurlunun da doğum günüdür. Sənətçi 35 yaşını qeyd edir.  Namiq 1978-ci ildə Qaraçuxur qəsəbəsində anadan olub, elə həmin qəsəbədə 104 nömrəli orta məktəbi bitirib. İlk dəfə 1993-cü ildə meyxana deyən sənətçi sonralar müəyyən səbəblərdən bir neçə il fəaliyyətinə ara verib. 

    Daim qalmaqallı açıqlamaları və reallaşdırdığı layihələri ilə gündəmə gələn müğənni Nadir Qafarzadə Ukraynaya yola düşüb. Sənətçinin paytaxtı tərk etməsinə səbəb, yaradıcılığında baş tutacaq yeniliklə bağlıdır. Ukraynaya getmədən bir neçə saat əvvəl Nadir son günlər qalmaqallarda adının hallanmasına və Ukrayna səfəri barədə gecce.az saytına danışıb: “Son zamanlar özümdə istəmədən məni söz-söhbətlərə saldılar. İndi də istəmirəm hər hansı söhbətə qayıdım. Bəzi insanlar, verilişlər məni qalmaqala salıb, özlərinə reytinq yığmağa məşğuldurlar. Bu oldu keçdi. Amma sizə deyə bilərəm ki, mən hər proqrama getmirəm. Mənə hansısa proqramdan dəvət gələndə, soruşuram, qalmaqal olmayacaq ki? Bu işi menecerimə tapşırmışam. İndi də Ukraynaya yola düşürəm. Sürpriz bir layihəm olacaq. Hər zamankı kimi öz işlərimlə sevənlərimi sevindirəcəyəm. Bir söz deyə bilərəm ki, gözləməyə dəyər”.

 

Sevda Məmmədova

 

Muz-Tv.az