Azərbaycanlı qız Türkiyəni heyran qoydu
“O səs Türkiyə” yarışmasında çıxış edən iştirakçı münsiflər heyətini özünə heyran qoyub. Tuğçe Gendigelen adlanan qız əsillikcə azərbaycanlı olduqlarını deyib
“O səs Türkiyə” yarışmasında çıxış edən iştirakçı münsiflər heyətini özünə heyran qoyub. Tuğçe Gendigelen adlanan qız əsillikcə azərbaycanlı olduqlarını deyib. Hazırda Türkiyədə yaşayıb təhsil alan 23 yaşlı Tuğçe ifası ilə hər kəsi təəccübləndirib. Münsiflər - Ebru Gündəş, Murat Boz, Hadisə və Göhkan iştirakçıya görə bir-biriləri ilə mübarizə aparıblar. Hər biri qızı öz komandasına daxil etməyə çalışsa da, Tuğçenin seçimi Ebru olub.
Müğənni Miri Yusif “Bağışla” adlı yeni mahnısını təqdim edib. Musiqisi və sözləri sənətçinin özünə aid olan bəstənin aranjimanını Emin Kərimi edib. Sənətçi yeni mahnısının digərləri kimi seviləcəyinə iddialıdır. Qeyd edək ki, Miri Yusif noyabrın 23-də saat 21:00-da restoranlardan birində konsert proqramı ilə çıxış edəcək.
"Avroviziya 2011”-in qaliblərindən biri Nigar Camal Azərbaycan dilində ifa etdiyi yeni mahnısını təqdim edib. Sənətçinin “Kəpənəklər” adlanan bəstəsinə klipi də hazırlanıb. Sözləri Paulina Volodkovskayaya, musiqisi İsa Məlikə aid olan mahnının ekran işini rejissor Fərhad Əli ərsəyə gətirib. Klipdə Nigarın geyimləri modelyer Leyla Əliyevaya, saç və makiyajı isə stilist Anar Ağakişiyevaya məxsusdur. Klipin ərsəyə gəlməsində stilist Syama da öz köməkliyini göstərib.
Əməkdar artist Ədalət Şükürov “Qala” qrupu ilə klipə çəkilib. Müğənni özü yaratdığı qrup üzvləri ilə “Gəl” adlı mahnını duet formasında səsləndirib. Sözləri və musiqisi qrupun solisti Ceyhun Əliyevə aid olan ekran işinin rejissoru Natiq Novruzovdur.
Ötən il “Avroviziya” mahnı müsabiqəsinin milli seçim turlarının finalçısı olan müğənni Sevinc Thunoldun “Eşd dəlisi” mahnısı ekranlaşdırlıb. Musiqisi sevilən bəstəkar Pərviz Mahmudova, sözləri Leyli İsrafilovaya məxsus olan mahnıya rejissor Rəhman Əliyev quruluş verib. “Bu mahnı mənim xarakterim və təbiətimə çox yaxındır. Nədənsə, bütün sevgi mahnılarını sevirəm. Sakitliyi, hüzuru həzin mahnılarda tapıram” deyən müğənni klipdə tərəf müqabilinin olmadığını və sevdiyi insanı beynində canlandıraraq rolu oynadığını vurğulayıb. Klipin mövzusuna gəlincə, sevən insanın daxili aləminin təzahürü əks olunub.
Sevda Məmmədova
Muz-Tv.az