Ledi Qaqa dünyada ilk olan “uçan paltarını” təqdim etdi

Yeni albomunun təqdimatı münasibəti ilə təşkil olunan gecəyə Ledi Qaqa dünyada ilk olan uçan paltarla qatılıb. 

    Yeni albomunun təqdimatı münasibəti ilə təşkil olunan gecəyə Ledi Qaqa dünyada ilk olan uçan paltarla qatılıb. Manekenə bənzəyən bu geyimi ulduz Bruklin Neyvi Yard binasında qonaqlara göstərib. Qaqa bu libasını “Volantis” adlandırıb. Geyim ulduzun pilot adlandırdığı texniki mütəxəssis tərəfindən idarə olunub.

   “La Liga”nın ulduzu Arda Turan Bəbəkdə jurnalistlərə şikayətlənib. Sinəm Koballa 7 aydır nişanlı olduğunu söyləyən Turan: “Artıq haqqımızda yalan heç nə yazmayın. Mən sözümün arxasındayam. Evlilik tarixini təxirə salmamışıq” –deyib. Sinəm Koballa münasibətləri haqqında əvvəlcədən çıxan yalan xəbərlərdən çox kədərlənən futbolçu toy tarixində heç bir dəyişiklik olmadığını xüsusilə qeyd edib.

     Mayli Sayrusun bacısı Noa Sayrus sosial mediada davamlı olaraq təhqir smsləri alır. Gənc xanım saçlarının bir hissəsini qırxdırdıqdan sonra bu ismarıclar daha da artmağa başlayıb. Nəhayət Noa cavab vermək qərarına gəlib. O: “Xahiş edirəm, mənə nifrət etməyəsiniz. Mən də bir insanam və istədiyimi edə bilərəm. Kobudlaşmayın. Sizcə, mənə çirkin olduğumu və başqasına oxşamağa çalışdığımı yazanda buna sevinirəm?” – deyə sosial şəbəkədə paylaşıb.

     Ebru Gündeş bir balıq restoranında yemək yeyərkən kameralara tuş gəlib. Ulduzun çıxışda yeni aldığı 280 min avroluq avtomobili diqqət çəkib. Gündeş həyat yoldaşı Rza Zərrabın tikdirəcəyi məktəblərlə bağlı bunları deyib: “Qızımız doğulandan sonra həyat yoldaşımın uşaqlara olan marağı daha da artdı. Onlar üçün məktəb tikdirmək qərarına gəldi” –deyib.

 

Sahilə Aslanova

 

Muz-Tv.az