Xatirə İslam Sərdar Ortaçı bəyənmədi

Bir neçə gündür Moskvada olan müğənni Xatirə İslam türkiyəli ifaçı Sərdar Ortaçla eyni məclisdə iştirak edib.

    Bir neçə gündür Moskvada olan müğənni Xatirə İslam türkiyəli ifaçı Sərdar Ortaçla eyni məclisdə iştirak edib.Səfər təəssüratlarını Axşam.az saytı ilə bölüşən sənətçi onun haqqında maraqlı açıqlama verib: “Moskvada Sərdar Ortaçla eyni məclisdə olduq. Canlı ifa etməyi bacarmır. Heç oxuya bilmədi”. Səfər zamanı bol alış-veriş edən Xatirə oğluna hədiyyələr alıb: “Moskva çox sevdiyim şəhərlərdən biridir. Alış-verişə çıxdım, oğlum üçün hədiyyələr aldım”. Ciddi pəhriz saxlayan sənətçinin həddən artıq arıqlaması da diqqətdən yayınmayıb: “Özüm də xeyli arıqladığımı hiss edirəm. Pəhriz saxlayıram, bir də yaşıl çay içirəm. Moskvadan özümə yaşıl çay almışam”.

   Xalq artisti Nazpəri Dostəliyeva pərəstişkarı, bəstəkar-müğənni  Arif Səlimovla duet oxuyub. “Sənli dünyam” adlanan mahnının sözləri Rövşənə, musiqisi Arifə aiddir. Cütlüyün həmin duetini təqdim edirik. Qeyd edək ki, Nazpəri Dostəliyeva 16 ildir pərəstişkarı olan Arifə həm maddi, həm də mənəvi cəhətdən dəstək olur. Müğənni bu yaxınlarda nikah masasına oturan Arifin toy xərcini də öz üzərinə götürüb.

   Müğənni Roza Zərgərli Rusiyanın tanınmış bəstəkarı Konstantin Meladzenin “Yenə çovğun” adlı bəstəsini ifa edib. Yeni mahnısından “Facebook” profilində bəhs edən sənətçi bu ifaya görə ona bir çox xanımların təşəkkür etdiyini bildirib: “Konstantin Meladze və İqor Krutoyun yazdığı mahnıları çox sevirəm. Bu bəstəni sevən və sevgiləri ilə yalnız qalan bütün qadınlara həsr edirəm. Artıq neçə gündür, bir çox qadınlar zəng edib bu mahnıya görə mənə təşəkkür edirlər”.

   Müğənni Ramal İsrafilov uzun müddətdir üzərində çalışdığı “Mən səni bu qədər sevməməliydim” adlı mahnısını təqdim edib.  Sözləri millət vəkili Qənirə Paşayevaya aid olan mahnının musiqisi müğənninin özünə məxsusdur. Ramalın yeni bəstəsini təqdim edirik.

 

Sərvər Mehdiyev

 

Muz-Tv.az