Məşhur model dördüncü dəfə ana olacaq

Dəb dünyasının ən çox qazanan modellərindən biri olan Nataliya Vodyanova hamilə olduğunu açıqlayıb. 

    Dəb dünyasının ən çox qazanan modellərindən biri olan Nataliya Vodyanova hamilə olduğunu açıqlayıb. Sevgilisi Antoni Amoltla övlad sahibi olacaqları üçün çox həyəcanlandığını deyən Vodyanova dördüncü dəfə analıq hissini yaşayacaq. Xatırladaq ki, keçmiş həyat yoldaşı Castin Portmandan üç övladı olan ulduz hamiləlik ərzində də modellik etmişdi.

    Dünyaşöhrətli aktyor Uill Smit və boşanmağa hazırlaşdığı həyat yoldaşı Cada Pinket Smit həftə ərzində böyük oğulları Treyin doğum gününü qeyd edib. Gənc oğlan 21 yaşının tamam olduğu bu özəl gününü Las Veqasda 50 dostunun əhatəsində keçirib. Gecədə Treyin anası, Uill Smittin keçmiş həyat yoldaşı Şeri Zampino da iştirak edib. Trey öz doğum günündə dj-lik də edib. Gecə yarısına yaxın Uill Smit özü dj-liklə məşğukl olub.

    Aktrisa Keyt Hadson evlənməyə hazırlaşır. Ulduz “Muse” qrupunun musiqiçisi Metyu Belami ilə ailə quracaq. Mərasim Keytin şəxsi malikanəsində reallaşacaq. Xatırladaq ki, sevgililər 2011-ci ilin aprelində nişanlanıb. Elə həmin il də cütlüyün Binqhem adlı oğulları dünyaya gəlib.

    Müğənni Gülşen uzun müddət birlikdə olduğu, amma münasibətlərini ciddi cəhdlə gizlətməyə çalışdığı sevgilisi Ozan Çolakoğlu ilə kameralara tuş gəlib. İfaçı əl işarələri ilə müxbirlərə makiyajsız olduğunu başa salmağa çalışıb. Cütlük daha sonra birlikdə evlərinə yollanıb.

 

Sahilə Aslanova

 

Muz-Tv.az