Dünyaşöhrətli ulduza qarşı cinayət işi açıldı

Hollandiya dövləti MTV Avropa Musiqi Mükafatlarının təqdimetmə mərasimində səhnədə nəşə çəkən amerikalı müğənni Mayli Sayrusa qarşı cinayət işi açıb.

   Hollandiya dövləti MTV Avropa Musiqi Mükafatlarının təqdimetmə mərasimində səhnədə nəşə çəkən amerikalı müğənni Mayli Sayrusa qarşı cinayət işi açıb. BBC Radiosuna qonaq olan Sayrus: “Özümü dünyanın ən böyük feministlərindən biri kimi hiss edirəm. Çünki qadınlara heç nədən qorxmamalarını söyləyirəm” –deyib.

   Teylor Svift “Top of The Pops” jurnalına verdiyi müsahibəsində konsertlərindən sonra heyranları arasından istənilən bir nəfəri seçərək dərdləşdiyini deyib.  Ulduz fanatları arasından 35-40 nəfəri seçdiyini və onların dərdlərini dinlədiyini söyləyib.  Adı açıqlanmayan bir mənbənin bildirdiyinə görə, Teylor onlarla sadəcə bir psixoloq kimi davranmır. Heyranlarını başına toplayan müğənni onlara pizza qonaqlığı da verir, hər kəslə köhnə dost kimi söhbət edir.

    Britaniyanın “Dave” telekanalı 2 min insanın iştirakı ilə sosial sorğu keçirərək ən yaxşı və ən pis kitabları seçib. 20-ci əsrin ən popoulyar və məşhur nəşrləri arasında Con Rolinqin “Harri Potter və Feniks ordeni” kitabı yer alıb. Ən uğursuz müəlliflərə gəlincə isə siyahıda ilk sıraya Viktoriya Bekhem və onun “Learning to Fly” adlı avtobioqrafik əsəri layiq görülüb.

    Bir il əvvəl dağıldıqlarını elan edən “Nepara” qrupunun üzvləri Aleksandr Şoua və Viktoriya Talışinskaya yenidən bir araya gəldiklərini elan ediblər. Kollektivin ləğvindən sonra cütlük solo karyera ilə məşğul olmaq qərarına gəlmişdi. Amma tezliklə sənətçilər bunun böyük səhv olduğunu etiraf etdilər. Qrupun yenidən birləşməsinin səbəbkarı da elə Aleksandr Şouadır. Hazırda kollektiv tezliklə işıq üzü görəcək yeni mahnılar üzərində çalışır.

 

Sahilə Aslanova

 

Muz-Tv.az