Beyonsun qeyri-adi papağı şübhə yaratdı

Müğənni Beyons albom hazırlıqları üçün getdiyi Los Ancelesdə səsyazma studiyasından çıxarkən qeyri-adi papağı ilə kameralara tuş gəlib. 

   Müğənni Beyons albom hazırlıqları üçün getdiyi Los Ancelesdə səsyazma studiyasından çıxarkən qeyri-adi papağı ilə kameralara tuş gəlib. Sadəcə gözlərinin açıq qaldığı baş geyimi taxan və qatı xristian olduğu bilinən 32 yaşlı ulduz haqqında mətbuatda “Müsəlman qadına bənzəyir” yazılıb. Beyonsun şərq qadınları kimi gözlərinə qara qələmlə makiyaj etdiyi də diqqətdən yayınmayıb.

   Disney kompaniyası “Malefisenta” filminin ilk treylerini yayımlayıb. Əsər məşhur “Yatmış gözəl” nağılı əsasında lentə alınsa da, hadisələr qəddar kraliça-cadugər Malefisenta ətrafında cərəyan edir. Məhz bu obrazı Hollivud ulduzu Ancelina Coli canlandırıb. Ulduzun heyranları tərəfindən səbirsizliklə gözlənilən film 2014-cü ilin mayında işıq üzü görəcək.

   Rafet El Roman müğənni olmaq istəyən qızı Su Elnura dəstək verib. Amma müğənni övladının öz tərzini yaratmalı olduğunu bildirib. Almaniyada atasının yanında yaşayan 16 yaşlı Su musiqi çalışmaları və səsi ilə gündəmə gəlməyə hazırlaşır. Qızının hər istəyini yerinə yetirməyə çalışan Rafetin tək qorxusu isə Suyun onun yaradıcılığının təsiri altında qalmasıdır. Sənətçi övladına bu mövzuda xəbərdarlıq etdiyini söyləyib.

    Sevgilisi Cennifer Saymın 2001-ci ildə avtoqəzada həlakından sonra uzun müddət tək qalan Hollivud ulduzu Kianu Rivz evlənmək qərarına gəlib. Haqqında Şarliz Teron və Amanda de Kadene kimi aktrisalarla münasibətlərinin olduğu yönündə şayiələr gəzən Rivz iddiaları yalanlayıb. Bu il 47 yaşı tamam olan sənətçi artıq ailə həyatı qurmaq və övlad sahibi olmaq istədiyini bildirib. Kianu Rivz ən çox qadınları güldürməyi sevdiyini də sözlərinə əlavə edib.

 

 

Sahilə Aslanova

 

Muz-Tv.az