Röya Ayxan Türkiyə mediası ilə görüşüb

Müğənni Röya Türkiyə mediası ilə görüşüb.Türkiyədə tanınmış prodüser Polat Yağcının şirkətində işləyən sənətçi ailəsindən danışıb. 

    Müğənni Röya Türkiyə mediası ilə görüşüb.Türkiyədə tanınmış prodüser Polat Yağcının şirkətində işləyən sənətçi ailəsindən danışıb. Beş ildir ailəli olan bir uşaq anası Röya şəxsi həyatının karyeraya böyük təsiri olduğunu deyib. O bildirib ki karyerasında yüksəlməkdə ailəsinin dəstəyi vacibdir. Şirkətin rəhbəri Polat Yağcı isə Röyadan söz açaraq onunla işləməyin qürurverici və zövqlü olduğunu deyib.

   Müğənni Günay İbrahimli Türkiyə şou-biznesinə qatılmaq təklifi alıb. 
Bu haqda sənətçi özü açıqlama verib.“Türkiyə şou-biznesinə qatılmaq təklifi almışam. Amma istəmirəm, qəbul etmədim. Çünki mənə öz ölkəmdə tanınmaq kifayət edir. Ola bilər ki, Türkiyədə albomumu çıxarım, hansısa bəstəkara mahnı yazdırım. Amma orada məşhurlaşmaq iddiam yoxdur. Çünki türklərin özlərinin lazımı qədər tanınmış müğənniləri var”.

   Bacısının toyundan bir neçə gün sonra Türkiyəyə qayıdan müğənni İradə İbrahimovaya reklam şirkətlərinin birindən təklif gəlib. Türkiyədə istehsal olunan süd məhsullarından birinin reklamının Azərbaycan versiyasının səsləndirilməsi sənətçiyə həvalə olunub. Təklifi qəbul edən müğənni İstanbulda bir sətirdən ibarət mahnını lentə alıb. Yaxın vaxtlarda Azərbaycanda yayımlanacaq reklamda milli elementlərin əlavəsi nəzərdə tutulub. Qeyd edək ki, reklamın ilk versiyasını Şevval Sam səsləndirib.

   Müğənni Samir Piriyev toy mövsümünün başa çatmasından istifadə edərək dincəlmək qərarına gəlib. Axşam.az-ın məlumatına görə, sənətçi ailəsi ilə birlikdə İstanbula gedib. Bir neçə gün Türkiyədə qalan ifaçı gəzinti zamanı çəkdirdiyi yeni fotolarını sosial şəbəkədə paylaşıb. S. Piriyevin həyat yoldaşı Anara və qızı Fərəhlə olan şəkillərini təqdim edirik.

 

Fuad Oqtayoğlu

 

Muz-Tv.az