Ukraynalı məşhur müğənni Bakıda

Ukraynanın məşhur müğənnisi, cazibedar Anna Sedokova Bakıya gəlib. 1news.az-ın məlumatına görə, şəhərin məşhur klublarından birində konsert verməyə hazırlaşan...

    Ukraynanın məşhur müğənnisi, cazibedar Anna Sedokova Bakıya gəlib. 1news.az-ın məlumatına görə, şəhərin məşhur klublarından birində konsert verməyə hazırlaşan müğənni təəssüratlarını heyranları ilə bölüşüb: “Məni burada səbirsizliklə gözlədiklərini bilirəm. Bakını və sizi çox sevirəm. Xüsusi olaraq azərbaycanlı izləyicilər üçün sürprizim olacaq. Hamınızı konsertdə gözləyirəm”. Qeyd edək ki, Anna Sedokova “VİA Qra” qrupunun solisti olub, bir müddət aparıcı və aktrisa kimi də fəaliyyət göstərib. Hazırda isə o, solo karyerasını davam etdirir.

   Əməkdar artist Abbas Bağırov yeni mahnı yazdırıb. SİA-nın verdiyi xəbərə görə, bəstə “Onun adı Leyladır” adlanır. Adıçəkilən mahnının sözləri Cavid Qurbanova, musiqisi isə skripkaçı Ceyhuna məxsusdur. Qeyd edək ki, Abbas Bağırov bir çox bəstələrinin musiqisini özü yazır. 

   Meyxanaçı Namiq Qaraçuxurlu yenidən duet oxumaq qərarına gəlib. O, bir neçə il əvvəl tərəf müqabili olan Könül Kərimova ilə birgə layihə hazırlayacaq. Cütlük yeni duetlərini tezliklə tamaşaçılara təqdim edəcək. Qeyd edək ki, meyxanaçı Namiq Qaraçuxurlu və müğənni Könül Kərimova daha əvvəl “Cavanlıq səhvi” mahnısını birgə səsləndirmişdilər.  

 

Sahilə Aslanova

 

Muz-Tv.az