Emin dekabrda Bakıda konsert verəcək

İfaçı-bəstəkar Emin Bakıda konsert verəcək. Dekabrın 21-də baş tutacaq konsert “Buta Palace”da reallaşacaq. 

   İfaçı-bəstəkar Emin Bakıda konsert verəcək. Dekabrın 21-də baş tutacaq konsert “Buta Palace”da reallaşacaq. Bu haqda məlumatı sosial şəbəkədəki profilində yazan Emin möhtəşəm şou hazırladığını vurğulayıb. Gecədə diceylər Tim, Maqnum və Şok da iştirak edəcək.

   Əməkdar artist Elza Seyidcahan yeni fotosessiya etdirib.Müğənni Axşam.az-ın müxbiri ilə söhbətində fotoların Türkiyə layihəsi ilə əlaqədar çəkildiyini bildirib: “Bu şəkilləri Türkiyədə lentə alınacaq “Türkiyə” marşı adlı bəstəmə görə çəkdirmişəm. Qardaş ölkəyə göndərdim, çox bəyəndilər. Hətta burada da görənlər təriflədilər.Yaxın günlərdə klipin çəkilişi ilə bağlı Türkiyəyə yollanacam”. Qeyd edək ki, əməkdar artist qardaş ölkəyə səfəri zamanı oradakı telekanalların birinin rəhbərliyindən “Türkiyə” marşı mahnısına klip çəkmək təklifi alıb. Ekran işi Türkiyənin qədim, tarixi məkanlarında lentə alınacaq. Klip həm Azərbaycan, həm də türk kanallarında yayımlanacaq.

  Ötən gün xalq artisti Aygün Kazımovanın səhnəyə gəlişinin 25-ci ildönümü tamam olub. Bu münasibətlə gənc müğənni Ayan Babakişiyeva öz evində Aygün Kazımova üçün ziyafət təşkil edib. Mərasimə bəstəkar Elçin İmanov və dicey Kazım Sübhan da qatılıb. Sənətçilərin bir araya yığışdığı həmin qonaqlıqdan özəl fotoları təqdim edirik.
  Stilist Anar Ağakişiyevin qızıl ayaqqabısı hamını təəccübləndirib.Yeni ayaqqabısının fotolarını sosial şəbəkədə paylaşan Anar onun hərraca qoyulduğunu bildirib. Hazırda Dubayda istirahət edən stilist təəssüratlarını tamaşaçılarla bölüşüb: “Bu ayaqqabını mənə hədiyyə etdilər. Həqiqətən də yüksək əyyarlı qızıldan hazırlanıb. Hərracda satılırdı. Qiyməti 6 min dollar idi. İlk gördüyüm andan xoşuma gəlmişdi. Sonunda mənə qismət olmasına sevindim”.

 

Sərvər Mehdiyev

 

Muz-Tv.az