Castin Biberin halı pisləşdi

Qalmaqalları ilə gündəmdən düşməyən Castin Biber xəstələndiyi üçün konsertini yarımçıq kəsməli olub. 

   Qalmaqalları ilə gündəmdən düşməyən Castin Biber xəstələndiyi üçün konsertini yarımçıq kəsməli olub. Məşhur müğənninin qida zəhərlənməsi keçirdiyi və otelində istirahət etdiyi bildirilib. Biber otelinə yollanarkən isə  kədərdən və əsəbdən özlərini itirən heyranları xəstəxanaya aparılıb.

   “Qalatasaray” futbol klubunun ulduzu Şnayder, həyat yoldaşı Yolanta Kabau və Kıvanç Tatlıtuğ yenidən bir araya gəliblər. Çox mehriban dost olan məşhurlar İnstagram hesabından fotolarını da paylaşıb. Kabau Tatlıtuğ haqqında: “Çox yaraşıqlıdır. Onunla eyni layihədə rol almaq istəyərdim. Hərçənd Ueslinin dostları “Kıvançla birgə rol almasına icazə vermə”-deyə zarafat edirlər. Həyat yoldaşım qısqanc deyil. Çünki özünə və mənə inamı böyükdür” – deyib.

    Amerikada “Oskar” mükafatlarını təqdim edən Kino Sənətləri və Elmləri Akademiyası məşhur aktrisa Ancelina Coliyə “Jan Herşolt Şərəf Ordeni”ni təqdim edib. Ulduzu bu özəl gecədə həyat yoldaşı Bred Pitt və oğlu Meddoks da tək qoymayıb. Səhnədə mükafatını Corc Lukasdan alan Coli göz yaşlarını çətinliklə saxlaya bilib. İnsani yardım fəaliyyətlərinə  könüllü köməyindən dolayı mükafata layiq görülən aktrisa səhnədən oğluna müraciət edərək: “Söz verirəm ki, ağlamayacağam. Səni utandırmayacağam. Sən və qardaşların mənim xoşbəxtliyimsiniz və ananız olmaqdan daha böyük şərəf yoxdur” –deyib.

    Məşhur analardan biri Şakira oğlu və futbolçu sevgilisi Pike ilə birlikdə çəkdirdiyi fotolardan ibarət kollajı heyranları ilə paylaşıb. Yanvarda 1 yaşı tamam olacaq Milanın xeyli böyüdüyü diqqət çəkib. Maraqlısı odur ki, Şakira və Pike saçlarının kifayət qədər uzun olduğu görülən körpənin stilində dəyişiklik etməyə hələ də tələsmirlər.

 

Sahilə Aslanova

 

Muz-Tv.az