Rihanna yenə də saç düzümündə dəyişiklik etdi

Rihanna mərasimlərdən birinə yeni saç düzümü ilə qatılıb. Ulduz gecədə çəkilən fotolarını İsntaqramda yerləşdirərək stilisti Ursula Stivenə təşəkkür edib. 

   Rihanna mərasimlərdən birinə yeni saç düzümü ilə qatılıb. Ulduz gecədə çəkilən fotolarını İsntaqramda yerləşdirərək stilisti Ursula Stivenə təşəkkür edib. Məhz bu xanım 2007-ci ildən bəri Rihannanın səhnə görünüşü ilə məşğul olur. Həmçinin ulduzun “Diamonds World Tour” adlı dünya turnesini də başa vurduğu məlum olub.

   Avstraliyalı aktrisa Nikol Kidman 1990-2001-ci illərdə evli qaldığı ilk həyat yoldaşı Tom Kruzdan boşandığı dövrün həyatının ən qaranlıq və çətin zamanı olduğunu etiraf edib. “Harper's Bazaar” jurnalınamüsahibə verən 46 yaşlı ulduz keçən il üçüncü həyat yoldaşı Keti Holmsdan boşanan Kruzla ayrıldıqdan sonra uzun müddət özünü boşluqda hiss etdiyini açıqlayıb.

    Son aylarda çılpaq klip çəkdirən, MTV Mükafatlandırma mərasimində soyunaraq heyranlarının etirazları ilə üzləşən müğənni Mayli Sayrus indi də qapalı libas geyinib. “X Factor” proqramına qatılaraq mini konsert verən və səsi pis olduğuna görə prodüserin tənqidinə məruz qalan ulduz məşhur brendlərdən birinin imzasını daşıyan sarı paltar geyinib. Ayaqyalın səhnəyə çıxan 20 yaşlı müğənni başına qara bir türban taxıb.

    Daim fikirli olduğu görülən Robert Pattinson bu dəfə kameralara xoşbəxt halda yaxalanıb. 27 yaşlı ulduz idman zalından çıxarkən olduqca şad görünüb. Qərb mətbuatı aktyorun belə radikal dəyişikliyinin səbəblərini axtarıb. Robertin rol yoldaşı Kristen Stüartla evlənməyə hazırlaşması yayılan şayiələr arasındadır. Xatırladaq ki, bu yaxınlarda cütlüyün yenidən bir araya gəldiyi və hətta münasibətlərini gizli şəkildə qanuniləşdirməyə hazırlaşdıqları haqqında xəbərlər yayılmışdı.

 

Sahilə Aslanova

 

Muz-Tv.az