Nadir Qafarzadə xəstəxanalıq olub

Hazırda Ukraynada olan müğənni Nadir Qafarzadə xəstəxanalıq olub. Sənətçi bu haqda İnstaqram sosial şəbəkəsində yazıb. 

    Hazırda Ukraynada olan müğənni Nadir Qafarzadə xəstəxanalıq olub. Sənətçi bu haqda İnstaqram sosial şəbəkəsində yazıb. Nadirin xəstəxana otağında çəkdirdiyi fotosu hamını təəccübləndirib.  İfaçının mətbuat katibindən aldığımız məlumata görə, hazırda Nadir Qafarzadə özünü yaxşı hiss edir. O, soyuqdəymədən müalicə alır.

    Xalq artisti Aygün Kazımova sosial şəbəkədə 25 illik sənət fəaliyyətindən yazıb. Müğənni həmkarı Faiq Ağayevə də öz təşəkkürünü bildirib:  “Faiq Ağayev, bu 25 illik sənət fəaliyyətimizdə çox uğurlarımız, qalmaqallarımız, yıxılıb-qalxmalarımız olub. Bir tək yıxılıb-qalxmayan Allahdır. O da hər zaman bizə kömək oldu. Biz bu gün böyüyüb xalq artisti adına layiq görüldük. Bu çətin, keşməkeşli sənət yolumuzda bizə dəstək olan dövlətimizə hər zaman minnətdarıq ki, əməkdar, xalq artisti adına layiq gördü”.  Xalq artisti Faiq Ağayev də həmkarının bu ismarıcını cavabsız qoymayıb:  “Dəyərli həmkarım, ürək dostum Aygün Kazımova. Bəzən bu rəqəmi duyanda özümə möcüzə kimi gəlir. Əsrin 1/4 –i. Yollarımız hamar olmayıb, enişi də, yoxuşu da olub. Yalnız hər zaman xalq dəstəyini, dövlət qayğısını, milyonlarla azərbaycanlıların təmənnasız sevgisini duyub, irəli getmişik. Ağı qaradan, naşını peşəkardan, səmimini riyakardan ayırmağı bacaran millətimiz bu sevgini bizə boşuna bəxş etməyib. Tam gücümlə bu sevgiyə bundan sonra da layiq olmağa çalışacağam. Sizin 100 % F.A.”. Xatırladaq ki, noyabrın 17-də hər iki xalq artistinin səhnə fəaliyyətinə başlamasından 25 il ötüb.

    Əməkdar artist Tünzalə Ağayeva yeni mahnısı “Gülbahar”ın ona uğur gətirdiyini deyib. Müğənni bu bəstəni bütün gənc qızlara həsr edib:  “Bu gün bütün qızlarımızın, eləcə də mənim övladımın həddini, yerini bilən, Hüseyn Cavidin qəhrəmanı Gülbahara bənzəməsini istəyirəm. Bu mahnı mənim sənətimə uğur gətirdi. Kimsə mahnılarımı dinləyib zövq alırsa, bu, uğurumdur. Mən müxtəlif təbəqənin zövqünü oxşayıram. İfama qarşı bir heyranlıq varsa, ondan yaxşı yöndə istifadə etməyə çalışıram”.

   Müğənni Eldar Qasımov “The One” adlı mahnının 2-ci klipini tamaşaçıların ixtiyarına verib.  Klipin rejissorluğunu Ceyhun İbrahimoğlu edib. Ekran işinə Zəhra Bədəlbəyli prodüserlik edib. Klipin birinci versiyasında Eldarı “Nero” rəqs qrupu, aktrisa El və Elya müşayiət etmişdisə, bu dəfə müğənni tək görüntülənib. Sənətçi xəbəri sosial şəbəkədə yayımlayıb.

 

Sevda Məmmədova

 

Muz-Tv.az