Xalq artistinin nəvəsi dünyaya gəldi

Xalq artisti, müğam ustası Alim Qasımovun oğlu Qadirin övladı dünyaya gəlib. Milli.Az-ın məlumatına görə, sənətkar çox xoşbəxt olduğunu bildirib: "Biz uzun illər idi ki, bu uşağı...

   Xalq artisti, müğam ustası Alim Qasımovun oğlu Qadirin övladı dünyaya gəlib. Milli.Az-ın məlumatına görə, sənətkar çox xoşbəxt olduğunu bildirib: "Biz uzun illər idi ki, bu uşağı gözləyirdik. 10 ildir evli olan cütlüyün nəhayət ki, övladı dünyaya gəldi. Allah bütün gənclərimizə qismət etsin! Qoy bu uşaq oğlumun evinə böyük səadət, uğur və firavanlıq gətirsin".  Körpənin adının nə olacağını soruşduqda isə Alim bəy: "Səhv etmirəmsə, mənim adımı veriblər nəvəmə", - deyib.

   Xalq artisti Aygün Kazımovanın Prışka adını verdiyi iti reklama çəkilib. Axşam.az-ın məlumatına görə, bu barədə sənətçinin özü bildirib. İtinin şəkillərini İnstaqramda paylaşan Aygün Kazımova “Bu lap primaddonnadır ki...” deyə yazılan rəyə isə:  “Primadonna onun tükünün tozu belə ola bilməz. Nə primadonna?" – deyə maraqlı cavab verib.

   Müğənni Rəqsanə İsmayılova xəstəxanalıq olub. Sənətçi bu haqda İnstaqramda yazıb. Xəstəxana otağından fotolarını paylaşan Rəqsanə zəhərləndiyini bildirib: “Bərk xəstələnmişəm, həm də zəhərlənmişəm. Qrip də olmuşam”.

   “Mən artıq ailəli xanımam. Ailə qurmağım haqqında xəbərləri təsdiqləyirəm”. Lent. az-ın məlumatına görə, bu sözləri müğənni Ayan Babakişiyeva deyib. Müğənni gizli şəkildə ailə qurduğundan danışıb: “Sevirəm və sevilirəm. Toy qapalı şəraitdə baş tutub. Bunu şişirtməyi lazım bilmədiyim üçün hər şey gizli oldu. Daha ailə söhbətlərini gündəmə gətirmək istəmirəm. Bu, mənim şəxsi, özəl həyatımdır ”.

 

Sahilə Aslanova

 

Muz-TV.az