Timati Filipp Kirkorovu tanımadı

Bu günlərdə sona çatan “Kainat gözəli” yarışması bir çox rusiyalı məşhurun bir araya gəlməsinə səbəb olub. Onlar arasında bir müddət əvvəl böyük qalmaqal yaşayan Timati...

   Bu günlərdə sona çatan “Kainat gözəli” yarışması bir çox rusiyalı məşhurun bir araya gəlməsinə səbəb olub. Onlar arasında bir müddət əvvəl böyük qalmaqal yaşayan Timati və Filipp Kirkorov olub. Ulduzlar üz-üzə gəlməsələr də jurnalistlər sualları ilə müğənniləri qıcıqlandıra biliblər. Belə ki,  müxbirlərdən biri Timatiyə: “Kişilər arasında gözəllik yarışması keçirilsəydi kim qalib gələrdi? Siz, ya Filipp?” –deyə sual verib. Repçi isə əhvalını pozmayaraq sözügedən sənətçini tanımadığını söyləyib.

   Beren Saat ilə Uğur Yücəlin baş rollarını ifa etdikləri “Mənim dünyam” filmi böyük marağa səbəb olub.Belə ki, “gözdən əlil qız” mövzusuna müraciət edilən ekran əsəri 1 milyon insan tərəfindən izlənilib. Film həmçinin Avropa kinoteatrlarında da ən çox yayımlananlar sırasındadır.

   Dünyanın ən məşhur cütlüklərindən biri hesab olunan Miranda Kerr və Orlando Blumun münasibətlərində problemlərin olduğu iddiaları bir neçə ildir ortaya çıxıb. 2013-cü ilin payızında ulduzlar rəsmi şəkildə boşanmağa hazırlaşdıqlarını elan etmişdilər. Artıq özünə yeni sevgili də tapan Orlando onu dünya mətbuatına təqdim etməkdən də çəkinməyib.  Belə ki, ulduzun yeni sevgilisi qaradərili amerikalı aktrisa Kondola Raşaddır.

   Disney kompaniyasının yeni istehsalı olan “Dələ 3D” cizgi filminin treyleri artıq yayımlanıb. Ayrılmaz dostlar olan Dələ və Siçovul Mərkəzi Parkda yaşayır və növbəti qoz paylarını haradan tapacaqları haqqında fikirləşirlər. Ekran əsərinin 2014-cü ildə cizgi filmsevərlərin ixtiyarına veriləcəyi bildirilir.

 

Sahilə Aslanova

 

Muz-Tv.az