“Ən yaxşı sosial çarx”ın sahibi bəlli oldu

Azərbaycan Gənclər Fondu “Ən yaxşı sosial çarx” adı altında maraqlı müsabiqəsi keçirib. Yarışın reallaşmasında əsas məqsəd gənclərin diqqətini sosial problemlərin həllinə...

   Azərbaycan Gənclər Fondu “Ən yaxşı sosial çarx” adı altında maraqlı müsabiqəsi keçirib. Yarışın reallaşmasında əsas məqsəd gənclərin diqqətini sosial problemlərin həllinə istiqamətləndirmək olub. Müsabiqədə 14-29 yaş arasında olan gənclər iştirak edib. İştirakçılar tərəfindən hazırlanmış çarxlar “Yol hərəkəti təhlükəsizliyi və mədəniyyəti”, “Vətənpərvərlik”, “Ekologiya və ətraf mühitin qorunması” və s. mövzüları əhatə edib. Təxminən 55-ə yaxın video çarxın təqdim olunduğu yarışmada bütün iştirakçılar xüsusi diplomlarla təltif edilib.

    Ən sevincdirici hal isə o olub ki, “Muz Tv” nin iki əməkdaşı da mükafata layiq görülənlər arasında yer alıb. Hər zaman liderlər arasında olan Muz Tv bu dəfə də ənənəsinə sadiq qalıb. Belə ki, əməkdaşımız, rejissor İlkin İmanov hazırladığı video qalib seçilərək “Ən yaxşı sosial çarx” adına layiq görülüb.

 

Sərvər Mehdiyev

Vüsal Həşimov

 

Muz-Tv.az