Pətək Dinçöz Yeni ili Azərbaycanda qeyd edəcək

İfaçı-bəstəkar Emin yeni klipini təqdim edib. Eminin “In another life” (“Başqa həyatda”) adlı ekran işində “Kainat gözəli 2013” müsabiqəsinin iştirakçıları rol alıblar. 

   İfaçı-bəstəkar Emin yeni klipini təqdim edib. Eminin “In another life” (“Başqa həyatda”) adlı ekran işində “Kainat gözəli 2013” müsabiqəsinin iştirakçıları rol alıblar.  Qeyd edək ki, klipdə məşhur biznesmen Donald Tramp da çəkilib. “In another life” Donald gözəllik müsabiqəsi ərəfəsində Moskvaya səfər edərkən lentə alınıb.

   Xalq artisti Aygün Kazımova gizlicə ailə həyat quran və ana olmağa hazırlaşan gənc həmkarı Ayan Babakişiyevaya dəstək olub. O, bu barədə sosial şəbəkədə yazıb: “Ayanın gözəlliyini, dürüstlüyünü, istedadını, yeni və xoşbəxt evliliyini çəkə bilmirsinizsə, ey həşərat sülaləsi, gedin, dərd çəkin. Bəli, bütün subaylara qismət olsun. Sevir, sevilir, çox xoşbəxtdir. Tezliklə də ana olacaq”. Qeyd edək ki, yenicə ailə quran Ayan özünə mediadan gizli toy çaldırıb. 

   Türkiyənin tanınmış müğənnisi Petek Dinçöz yeni ili Azərbaycanda qarşılayacaq. Bu haqda təşkilatçı Nahid Emiloğlu İnstaqram səhifəsində məlumat verib. “Petek Dinçöz dekabrın 31-i Qəbələ şəhərində otellərin birində canlı orkestrla çıxış edəcək. Müğənnidən öncə səhnəyə Gökhan Erol çıxacaq. Tamaşaçıları möhtəşəm Yeni il şousu gözləyir”.

    Reper Qurd yeni mahnısını təqdim edib. Bəstə "Hamı sevir gəzməyi" adlanır. Sözləri reperə, aranjimanı Elvin Musayevə məxsus olan mahnının ekran işi də tezliklə ərsəyə gələcək.

 

Sevda Məmmədova

 

Muz-Tv.az