“The Beatles” qrupunun 43 ildən sonra yeni klipi təqdim edildi

43 il əvvəl dağılan “The Beatles” qrupunun yeni klipi internetdə yayımlanıb. “Words of  Love” adlanan mahnı 1963-cü  ildə lentə alınıb. Daha sonra kompozisiyqa kollektivin...

    43 il əvvəl dağılan “The Beatles” qrupunun yeni klipi internetdə yayımlanıb. “Words of  Love” adlanan mahnı 1963-cü  ildə lentə alınıb. Daha sonra kompozisiyqa kollektivin “Beatles for Sale” albomuna daxil edilib. Video çarxda yenidən işlənmiş arxiv materialları əks olunub. Qrupun rəsmi saytında verilən məlumata görə, bu yaxınlarda  “The Beatles”-ın yeni albomu da təqdim ediləcək. Musiqi toplusunda bu günədək yayımlanmayan 37 mahnı yer alacaq.

   Amerikalı müğənni Adam Livayn həftəlik yayımlanan “People” jurnalı tərəfindən 2013-cü ilin yaşayan ən cazibədar kişisi seçilib. Məsələni şərh edən 34 yaşlı ulduz: “Bir musiqiçi olaraq “Qremmi” mükafatı qazanmaq istəyərdim. Amma belə bir ad alacağım heç vaxt ağlıma gəlməzdi. Seçildiyimi deyəndə zarafat etdiklərini düşünmüşdüm. Çox heyrətləndim” – sözləri ilə həyəcanını dilə gətirib. Xatırladaq ki, jurnal 2012-ci ildə eyni titulu aktyor Çenninq Tatuma layiq görmüşdü.

   Kolumbiyalı müğənni Şakira bu yaxınlarda verdiyi müsahibələrinin birində yenidən ana olmaq istədiyini etiraf edib. “Biz yenidən bu sevinci yaşamaq istəyirik. Sadəcə bunun üçün bir az zamana ehtiyacımız var”. Amma buna baxmayaraq, artıq bir neçə ildir bir yerdə olan müğənni və futbolçu hələ ki, evlənməyə hazırlaşmırlar. Jurnalistlərin bu barədə suallarını isə Şakira həmişə cavabsız qoyur.

   “Möhtəşəm yüz il” serialında “Hürrem sultan”ı canlandıran Vahidə Gördümün keçmiş həyat yoldaşı Altan Gördüm də xərçəng xəstəliyinə tutulub. Altan bəyin sol göz qapağında çıxan ət xalına analizlərdən sonra dəri xərçəngi diaqnozu qoyulduğu bildirilir. Artıq əməliyyat edilən aktyor: “Hələ ki sonrakı vəziyyətim haqqında heç bir məlumat verilmir. Həkimlərdən cavab gözləyirəm”-deyə açıqlama verib.

 

Sahilə Aslanova

 

Muz-Tv.az