Tarkan Yeni ili Bakıda qarşılayacaq

Bir çox sənətçi yeni il gecəsi səhnəyə çıxacağı məkanlarla razılaşmalar imzalamağa başlayıb. Türkiyənin super ulduzu Tarkan 2014-cü ili Azərbaycanda qarşılayacaq. 

   Bir çox sənətçi yeni il gecəsi səhnəyə çıxacağı məkanlarla razılaşmalar imzalamağa başlayıb. Türkiyənin super ulduzu Tarkan 2014-cü ili Azərbaycanda qarşılayacaq. Kiprdən gələn 250 min dollarlıq təklifi az hesab edən meqastar 1 milyon lirəyə Bakıda səhnəyə çıxacaq. 10 min insana konsert verməyə hazırlaşan məşhur sənətçinin ailəsi də Azərbaycana gətiriləcək.

   Xalq artisti Alim Qasımovun növbəti dəfə baba olması haqda xəbər vermişdik. Dünya şöhrətli xanəndəmizin nəvəsi ilə fotoları yayılıb. 
Xalq artistinin çox xoşbəxt olduğu şəkillərdən də görünüb. Xatıladaq ki, xanəndənin oğlu Qadir körpəsinə də Alim adını verib.

   Xəbər verdiyimiz kimi, müğənni Röya Ayxan türkiyəli ifaçı Gülbən Ərgənin Show TV-də yayımlanan “Gülbən” proqramının qonağı olub. Axşam.az-ın məlumatına görə, verilişdə Röyanın Gülbənə hədiyyəsi diqqət çəkib. Belə ki, türkiyəli müğənni onun qolbağını çox bəyənib. Röya isə bilərziyi Gülbənə hədiyyə edib. Sənətçi verilişdə Türkiyədə yazdırdığı "Gəmiçilər" və musiqisi Ələkbər Tağıyevə, sözləri Mikayıl  Müşfiqə məxsus olan "Sənə qurban" mahnısını ifa edib.

   Müğənni Günel Zeynalova türkiyəli ifaçı İbrahim Tatlısəsin keçmiş həyat yoldaşı Dərya Tuna və oğlu İdo ilə görüşüb. Şam yeməyinə çıxan tanınmışlar Tatlısesin restoranına toplaşıb. Günelin atası Rəhman Zeynalov da onlarla birgə olub. Gecə boyunca mahnı oxuyub əylənən məşhurlar fotolarını sosial şəbəkədə paylaşıblar. Bir müddət əvvəl saçlarını sarıya boyayan Günelin imicini yenidən dəyişməsi diqqətdən qaçmayıb. Müğənni qara saçlara üstünlük verib.

 

Sahilə Aslanova

 

Muz-Tv.az