Məşhur Hollivud ulduzu dəri xərçənginə yaxalandı

Hollivud ulduzu Hyu Cekmanın dəri xərçənginə tutulduğu məlum olub. Bu barədə aktyor özü məlumat verib. 

   Hollivud ulduzu Hyu Cekmanın dəri xərçənginə tutulduğu məlum olub. Bu barədə aktyor özü məlumat verib. O, xəstəliyinin hansı mərhələdə olduğunu açıqlamasa da, İnstagramda paylaşdığı fotoda burnuna yara bantı vurulduğu görülüb. “Həyat yoldaşım burnumdakı ləkələri həkimə göstərməyimi məsləhət gördü. O, haqlı imiş. Mən bazalioma xəstəliyinə tutulmuşam. Dostlar, mənim pis nümunəmə uymayın. Hər şeyi zamanında yoxlayın və daim dərinizi günəş şüalarından qoruyan kremlərdən istifadə edin” –deyə 45 yaşlı ulduz öz Twitter hesabında qeyd edib. Xatırladaq ki, bazalioma dəri xərçənginin ən geniş yayılan növlərindən biridir.

   Anası ilə marketdə alış-veriş etməyə gedən aktrisa Mila Kunis kameralara tuş gəlib. Gəzinti zamanı heyranlarından birinin istəyini rədd etməyən ulduz onunla foto da çəkdirib. Xatırladaq ki, Mila Kunis uzun müddətdir Eşton Katçer ilə sevgilidir.

   “Pirelli” təqvimi 50-ci ilində sevənlərini heyrətləndirib. Belə ki, bu il 2014-cü il təqvimi yaratmaq əvəzinə1986-cı ildə çəkilən və istifadə edilməyən şəkillərdən ibarət Pirelli təqvimi yayınlanıb. Fotoqraf Helmot Nyutonun 1986-cı ildə Monte Karlo və Toskanada reallaşdırdığı çəkilişlərdə Susi Bik, Antonia Delatte və Betti Prado kimi məşhur modellər iştirak edib. Təqvimdə 12 ağ-qara şəkil yer alıb. Ancaq hər il maraqla gözlənilən “Pirelli” təqviminin bu ilki “nostalji” fikri heyranları tərəfindən bəyənilməyib.

   “Victoria`s secret”-in keçmiş mələyi Miranda Kerr aktyor həyat yoldaşı Orlando Blumdan keçən ay boşanmışdı. Modelin ayrılıqdan əvvəl Leonardo Di Kaprio ilə yaxınlaşdığı iddia edilmişdi. Məşhurların Los Ancelesdəki bir restoranda baş-başa yemək yediyi məlum olub. Əgər şayiələr doğrulansa, Miranda Kerr Di Kaprionun həyatına daxil olan 5-ci mələk olacaq.

 

Sahilə Aslanova

 

Muz-Tv.az