Azərbaycan-İran teatr əlaqələri genişlənir

Noyabrın 22-də Akademik Milli Dram Teatrında Azərbaycan-İran teatr əlaqələrinə həsr olunan mətbuat konfransı keçirilib. 

   Noyabrın 22-də Akademik Milli Dram Teatrında Azərbaycan-İran teatr əlaqələrinə həsr olunan mətbuat konfransı keçirilib. Tədbirdə iki ölkənin teatrları arasında sıx əməkdaşlıq əlaqələrinin qurulması, qarşılıqlı qastrol səfərlərinin, rejissor, aktyor, rəssam, həmçinin pyes mübadiləsinin reallaşdırılması, birgə layihələrin gerçəkləşdirilməsi müzakirə olunub. Teatrın direktoru, professor İsrafil İsrafilov nəzərdə tutulan layihələr çərçivəsində görüşdüyü teatr xadimləri haqqında məlumat verib.Daha sonra İsrafil İsrafilov konfransın digər iştirakçılarını media nümayəndələrinə təqdim edib.

    İran Teatr idarəsinin baş müdiri və heyətin rəhbəri Qader Aşna iki qonşu ölkə arasında mövcud mədəni münasibətlər, teatr əlaqələrinin hazırki vəziyyəti və gələcək perspektivlərdən danışıb.Qader bəy İrandakı teatr kollektivlərinin vəziyyəti haqqında da geniş məlumat verib.

   Konfransın sonunda teatr xadimləri jurnalistlərin suallarını cavablandırıblar. Qeyd edək ki, sözügedən layihə çərçivəsində hər iki ölkənin teatr truppalarının 60 gün ərzində 60 tamaşa təqdim edəcəyi nəzərdə tutulub.

 

Sahilə Aslanova

Vüsal Həşimov

 

Muz-Tv.az