Aygün Kazımova və Röya bir arada

Xalq artisti Aygün Kazımovanın və Röyanın klipləri ən məşhur türk simalarının kliplərinin yayımlandığı “David Gabris”da nümayiş etdirilib.

    Xalq artisti Aygün Kazımovanın və Röyanın klipləri ən məşhur türk simalarının kliplərinin yayımlandığı “David Gabris”da nümayiş etdirilib. Aygün Kazımovanın səsləndirdiyi “Hayat ona güzel” və Röyanın “Gönder” mahnılarının ekran işləri maraqla qarşılanıb. Artıq neçə ildir ki, fəaliyyət göstərən David Gabris TV-də Ajda Pekkan, Petek Dinçöz, Ziynet Sali, Bülent Ersoy, Hadisə və bir çox türk ulduzlarının klipləri yayımlanır.

   İki gün əvvəl Türkiyənin Show TV kanalında Gülbən Ərgənin qonağı olan müğənni Röya daha bir verilişə dəvət olunub. Bu barədə sənətçinin rəsmi “Facebook” səhifəsində məlumat yerləşdirilib. Röya məşhur aparıcı Ceren Bektaşın proqramına qatılacaq.

   Zamiq Hüseynov Avropaya yollanıb. Sənətçi məhərrəmlik ayı ilə əlaqədar ölkədə toy mövsümünün bağlanmasından istifadə edərək hazırda istirahət edir. İfaçı toy mövsümü başlayana qədər Avropada istirahət edəcək. Qeyd edək ki, Zamiq yeni ildə efirə qayıdacaq.

   Sevda Yahyayeva repertuarına yeni mahnı daxil edib. Yeni bəstə “Son sözüm” adlanır. Bəstənin sözləri və musiqisi İsmayıl Əsədova məxsusdur. Sənətçi “Son sözüm” adlı mahnını ekranlaşdırmağı da düşünür.

 

Sərvər Mehdiyev

 

Muz-Tv.az