“American Music Awards” mükafatlarının qalibləri açıqlandı

Noyabrın 24-də Los Ancelesdə musiqi dünyasının ən önəmli hadisəsi olan “American Music Awards” mükafatlandırma mərasimi reallaşıb. 

   Noyabrın 24-də Los Ancelesdə musiqi dünyasının ən önəmli hadisəsi olan “American Music Awards” mükafatlandırma mərasimi reallaşıb. Teylor Svift aralarında “İlin artisti” olmaqla bir neçə kateqoriyada mükafata layiq görülüb. Mərasimin xüsusi nominasiyası hesab edilən “Icon Award” isə Rihannaya təqdim edilib. Ulduza mükafatı anası verib. Gecənin ən səs-küylü çıxışı isə adəti üzrə Ledi Qaqaya məxsus olub. Belə ki, ulduz mərasimə böyük at üzərində gəlib. Kristina Agilera da gözəl forması vurğulayan ağ libası ilə hər kəsin diqqətini cəlb edə bilib.

   Nişanlısı Mayli Sayrus tərəfindən tərk edilən yaraşıqlı aktyor Laym Hemsvors artıq özünü daha yaxşı hiss etdiyini deyib. Cennifer Lourenslə baş rolları paylaşdığı “Aclıq oyunları” filminin qala gecəsində iştirak edən ulduz: “Daim beynimi məşğul edən nəsə var idi. Amma artıq bundan qurtulmuşam. Özümü daha yaxşı hiss edirəm” - deyib. Cennifer Lourensin pozitivliyi ilə ayrılıq acısını tez unutduğunu bildirən Laym: “Ətrafınızda Cen qədər dürüst, yləncəli və daim gülən birinin olması sizi daha yaxşı olmağa məcbur edir. Indi çox xoşbəxtəm” –deyib.

   Misirdə istirahət edən Beyons məşhur piramidaları görmək eşqinə düşsə də, bu istəyini reallaşdıra bilməyib. Belə ki, misirli nazir Zahi Havass ulduzun ehramlara yaxınlaşmasına icazə verməyib. Havassın sözlərinə görə, buna səbəb Beyonsun özünü etikadan kənar aparması olub. “Turistlər adətən mədəni insanlar olur. Amma bu xanım... O, dedi ki, saat 3-də gələcək, amma gecikdi” –deyə nazir bu addımını əsaslandırıb.

   Repçi Timatinin uzun zamandır təqib fobiyasının olduğu hər kəsə məlumdur. Bu qorxu elə bir həddə çatıb ki, “Black Star” artıq konsertlərində şəkillərinin  çəkilməsinə də qadağa qoyub. Belə ki, artıq Timatinin konsertlərinə nəinki fotoaparat, heç mobil telefon da keçirə bilməyəcəklər.

 

Sahilə Aslanova

Muz-Tv.az