Nigar Camal Londona qayıdıb
“Avroviziya 2011” mahnı müsabiqəsinin qalibi Nigar Camal Londona qayıdıb. Müğənni Yeni ilə indidən hazırlaşır.
“Avroviziya 2011” mahnı müsabiqəsinin qalibi Nigar Camal Londona qayıdıb. Müğənni Yeni ilə indidən hazırlaşır. O, qızları ilə birlikdə evində Yeni il ağacı qurduğu zaman çəkdirdiyi fotoları sosial şəbəkədə paylaşıb. Hər kəsin “Bu qədər tez niyə hazırlaşırsan” sualına Nigar belə cavab verib: “İngiltərədə Yeni ilə hazırlıq çoxdan başlayıb. Burada Hellovendən sonra artıq bayram ağacları qurulur”.
Bəstəkar-ifaçı Emin Ağalarovun vitse-prezidenti olduğu "Crocus Group" yeni layihəyə qatılıb. Şirkət məşhur avtomobil brendi "Jeep" ilə əməkdaşlıq edib.
Layihə əsasında Moskvada "Jeep"in test sürüşü üçün yeni meydança açılıb. Baş direktor Georgio Qorelli və Emin Ağalarov bu məqsədlə bir araya gəlib. Emin test meydançasının yüksək standartlara cavab verdiyini bildirib. Qeyd edək ki, "test-drayv" zamanı peşəkar təlimatçıların göstərişi ilə müxtəlif şəraitdə avtomobili idarə etmək üçün təmrinlər yerinə yetirilir. Təlimin hər bir iştirakçısı sertifikatla təltif olunur.
Müğənni Ayan Babakişiyeva yeni klipini pərəstişkarlarına təqdim edib. Sənətçinin "Telefonum susub" mahnısının ekran işi fərqli üslubda lentə alınıb. Klip fotolardan ibarət animasiyalardan hazırlanıb. Ayan Babakişiyeva bu ideyanın rejissordan gəldiyini söyləyib. Sözləri İsmayıl Dadaşov, musiqisi Elçin İmanova məxsus mahnıya ekran həyatını Ceyhun İbrahimoğlu verib. Klipin rəssamı Azər İbrahimoğludur.
Müğənni Rəqsanə Türkiyənin məşhur rejissoru Kamal Başbuqla işbirliyinə başlayıb. Axşam.az-ın məlumatına görə, sənətçi yeni klipini onunla lentə aldıracağını bildirib. Birlikdə fotolarını İnstaqramda paylaşan Rəqsanə çəkilişlərin gələn həftə başlayacağını qeyd edib: “Gələn həftə klipi çəkirik. Nəhayət, istədiyim rejissoru tapdım”.
Sevda Məmmədova
Muz-Tv.az