Ani Lorak bakılı tamaşaçılarını coşdurdu

Noyabrın 23-də Heydər Əliyev Sarayında “Avroviziya - 2008”  mahnı müsabiqəsində Ukraynaya ikincilik gətirən müğənni Ani Lorakın konserti reallaşıb.

   Noyabrın 23-də Heydər Əliyev Sarayında “Avroviziya - 2008”  mahnı müsabiqəsində Ukraynaya ikincilik gətirən müğənni Ani Lorakın konserti reallaşıb. Qeyri-adi işıq effektləri ilə diqqət çəkən gecədə sənətçinin səhnəyə təşrif buyurması da yaddaqalan olub.

   Dərhal mahnılarının ifasına başlayan Ani rəqs nömrələri ilə də bakılı heyranlarının rəğbətini qazanıb.Daha sonra qonaqları salamlayan ukraynalı müğənni paytaxtımıza gəlişindən duyduğu sevinci dilə gətirib.

   Konsert ərzində bir-birinin ardınca ən hit mahnılarını səsləndirən müğənni tamaşaçılar tərəfindən gurultulu alqışlarla qarşılanıb. Qeyd edək ki, bu, Ani Lorakın Azərbaycana ikinci səfəridir. Daha əvvəl müğənni dənizkənarı bulvarda bir çox müğənnilərin iştirak etdiyi konsert proqramında da çıxış edib.

 

Sahilə Aslanova

Elfaq Lələyev

 

Muz-Tv.az