Abbas Bağırovun sərgisi keçiriləcək
Əməkdar artist Abbas Bağırov son vaxtlar mahnıları ilə yanaşı, fotolarıyla da gündəmə gəlir. Müğənni sərgiyə hazırlaşır. Bu haqda xəbəri sənətçi Axşam.az-ın müxbiri ilə...
Əməkdar artist Abbas Bağırov son vaxtlar mahnıları ilə yanaşı, fotolarıyla da gündəmə gəlir. Müğənni sərgiyə hazırlaşır. Bu haqda xəbəri sənətçi Axşam.az-ın müxbiri ilə söhbətində verib. Abbas Bağırov eyni zamanda rəssamlıqla da məşğul olduğunu etiraf edib: “Bunu heç yerdə deməmişəm, mən bir vaxtlar rəssamlıqla məşğul olmuşam. Elmir Hüseynovdan dərs almışam. Əsərlərim bir çox sərgilərdə nümayiş olunub. Hazırda isə fotoqraflıq həvəsinə düşmüşəm. Yaxın günlərdə fotosərgi keçirəcəm”. Bir çox məşhurların fotolarını çəkən Abbas Bağırov onların bəyənildiyini deyib: “Məşhurlar fotoya qarşı çox "kaprizli"dir. Amma mən elə insanlarla işləyirəm ki, onlar sakit qəbul etsin. Hətta fotoya qarşı çox diqqətli olan modelyer Fəxriyyə Xələfova da mənim şəkillərimi bəyəndi. Mənim şəkillərimin və avadanlıqlarımın peşəkar bir fotoqrafınkından fərqi yoxdur. Hətta şəkillər "fotoşop"da da az işlənilir. Elə çəkirəm ki, onlara cüzi dəyişiklik lazım olur”.
Müğənni Niyam Salami sözləri Qənirə Paşayevaya, musiqisi Sevinc Tofiqqızına məxsus olan “Hardasan” adlı mahnısını lentə aldırıb.
Sevinc Tofiqqızı bildirib ki, Niyamın ifa etdiyi mahnı onun millət vəkili ilə başlatdığı işbirliyinin davamıdır: “Bildiyiniz kimi, Qənirə xanımla işbirliyim davam edir. Niyamın ifa etdiyi “Hardasan” adlı mahnı da bu işin davamıdır. Niyam bu mahnını çox gözəl və ürəkdən ifa edib. Bu, mənim Qənirə xanımın şeirinə bəstələdiyim artıq 7-ci mahnım oldu. Davamı hələ gələcək. Millət vəkilimizə, Niyama, mahnının aranjımançısı Osman bəyə öz təşəkkürlərimi bildirirəm. Sürprizlərim davam edəcək”.
Müğənni İlhamə Qasımova imicində yenilik edib. Sənətçi saç rəngini dəyişib. Stilist Anarın etdiyi fərqliliyi İlhamə çox bəyənib. Yeni fotolarını sosial şəbəkədə paylaşan müğənni bunları qeyd edib: “Üç saatlıq zəhmətin nəticəsi belə alındı. Saç rəngimi dəyişdim. Çox xoşuma gəldi, gözəl alınıb”.
Müğənni Günay İbrahimli repertuarına yeni mahnı daxil edib. Bu, şair Cabir Novruzun sözlərinə yazılmış "Ayrılıq olmasaydı" bəstəsidir. Əsərin musiqisi bəstəkar Oqtay Kazımiyə aiddir. Xatırladaq ki, Günay sözügedən mahnını ilk dəfə Cabir Novruzun yaradıcılıq gecəsində ifa etmişdi.
Sevda Məmmədova
Muz-Tv.az