Ancelina Coli Bred Pittə ada hədiyyə etdi

Amerikalı aktrisa Ancelina Coli birlikdə altı uşaq böyütdüyü və keçən il nişanlandığı Bred Pittə 50-ci doğum günü hədiyyəsi olaraq 19,8 milyon dollara ürəkşəkilli ada satın alıb. 

   Amerikalı aktrisa Ancelina Coli birlikdə altı uşaq böyütdüyü və keçən il nişanlandığı Bred Pittə 50-ci doğum günü hədiyyəsi olaraq 19,8 milyon dollara ürəkşəkilli ada satın alıb. Avstraliyada yeni filminin çəkilişləri davam edən 38 yaşlı Coli Nyu York şəhərindən 80 kilometr uzaqlıqda yerləşən Petra adasını görəndə heyran qalıb. Aktrisa ən böyük dayağı olduğunu söylədiyi, yanvarın 18-də doğum gününü qeyd etməyə hazırlaşan Pitt üçün aldığı adada 1959-cu ildə vəfat edən memar Frenk Lloyd Rayt imzalı iki ev də var.

   Dünyaca məşhur “GQ” jurnalı ən az nüfuzlu məşhurların siyahısını açıqlayıb. Antireytinq sıralasına aktyorlar, pop-ulduzlar, idmançılar və siyasətçilər daxil edilib.  Siyahıda ilk yer basketbolçu Denis Rodmana məxsusdur. Ən az nüfuzlu ulduzlar arasında Mayli Sayrusun da adı çəkilib. Qeyd edək ki, jurnal sözügedən siyahını artıq üçüncü ildir ki, tərtib edir.

   Eva Lonqoriya “Elle” jurnalının ispan versiyasında üz qabığında yer alıb. Ulduzun fotosunda nəzərə çarpacaq dərəcədə fotoşopdan istifadə olunduğu da bildirilir. Aktrisa açıq-saçıq fotosessiya çəkdirməyə dərhal razılaşmadığını etiraf edib. “Yeganə qorxum tamamilə çılpaq olmaq idi. Libassız özümü çox köməksiz hiss edirəm” –deyə Eva bildirib. Hollivud ulduzu həmçinin qocalmaqdan qorxmadığını və heç vaxt estetik əməliyyata müraciət etməyəcəyini də açıqlayıb.

   Məşhur rusiyalı müğənni Dima Bilan dərisində qırmızı çapıqların olduğu görülən şəklini sosial şəbəkədə paylaşıb. Ulduz fotonun altına: “Çapığım görünür. Heyif... Bunu uzun müddət unutmayacağam” –yazıb. Müğənni səhhəti ilə bağlı problemlər yaşadığını da bildirib. Amma Bilan nə baş verdiyini açıqlamaq istəməyib. İddialara görə, ifaçı konsertindən əvvəlki məşqlər zamanı səhnədən yıxılıb.

 

Sahilə Aslanova

 

Muz-Tv.az