Məşhurlar “Qadına vurma, vurul!” aksiyasında

Noyabrın 25-i qadın zorakılığına qarşı beynəlxalq mübarizə günü ilə əlaqədar Səhiyyə Nazirliyinin İctimai Səhiyyə və İslahatlar Mərkəzi və “ADDIM”Yaradıcı Gənclər...

    Noyabrın 25-i qadın zorakılığına qarşı beynəlxalq mübarizə günü ilə əlaqədar Səhiyyə Nazirliyinin İctimai Səhiyyə və İslahatlar Mərkəzi və “ADDIM”Yaradıcı Gənclər Assosiasiyasının birgə əməkdaşlığı ilə Bakıdakı ticarət mərkəzlərinin birində “Qadını vurma, vurul!”şüarı altında tədbir keçirilib. Xüsusi dekor və çəkim formatında hazırlanmış fotosərgidə əks olunan şəkillərdə məşhur xanımlar Gürcüstandan xüsüsi dəvət almış Mariya İnasaridze tərəfindən  zorakılığı ifadə edən formada  qrim olunublar. “Qadına vurma, vurul!” şüarı altında keçirilən fotoaksiyada  əməkdar artist Elza Seyidcahan, teleaparıcı Nərgiz Cəlilova, müğənnilər Elnarə Xəlilova, Səbinə Babayeva, modelyer Fəxriyyə Xələfova, jurnalist Günay Malikqızı, Ülkər Qasımova, "Birliyə doğru" təşkilatının sədri Zərifə Quliyeva zorakılığa məruz qalan qadınlara dəstək olub. Böyük maraqla qarşılanan tədbirdə millət vəkili Qənirə Paşayeva da iştirak edib. Möhtəşəm təşkil olunmuş aksiyadan sonra tanınmışalar ürək sözlərini  də bizimlə bölüşüb. Məşhurlar belə aksiyaların tez-tez keçirilməsini və gündəmə gəlməsinin vacib  olduğunu dilə gətirməyi də unutmayıblar.

 

Fuad Oqtayoğlu

Bəxtiyar Nəsirov                          

 

Muz-Tv.az