Emin Ağalarov "Dünyanın ən yaxşı kişi müğənnisi" ola bilər

Bəstəkar-ifaçı Emin Ağalarov “World Music Awards”ın namizədləri sırasına daxil olub. Emin burada “Ən yaxşı kişi müğənni”, “Ən yaxşı canlı konsert” və “Ən yaxşı...

    Bəstəkar-ifaçı Emin Ağalarov “World Music Awards”ın namizədləri sırasına daxil olub. Emin burada “Ən yaxşı kişi müğənni”, “Ən yaxşı canlı konsert” və “Ən yaxşı estrada müğənnisi” nominasiyaları uğrunda mübarizə aparacaq. İndiyədək bu nominasiyalara dünyanın məşhur simaları Pol Makkartni, Stinq, PSY, Robbi Uilyams, Enrike İqlesias və başqaları sahib olub. Namizədlər arasında rus estradasının tanınmış müğənniləri Timati, Dima Bilan və Filipp Kirkorov da yer alıb.

   Rəqqasə Fatimənin "Banu-rəqs" adlı məktəbinin açılışı olacaq. Axşam.az xəbər verir ki, o, vaxtının çoxunu tələbələri ilə keçirəcəyini deyib:"Nəhayət, yeni işimi təqdim edəcəm. İnsanlar mənə müraciət edirdilər ki, “Rəqs öyrənmək istəyirik”, “Bizə rəqs öyrədə bilərsiniz?”. Bu kimi sual və istəklər məni düşünməyə məcbur etdi. İşlərimin çox olması “Banu-rəqs” məktəbini açmağa imkan vermirdi. Artıq hər şey qaydasındadır. Vaxtımın çox hissəsini tələbələrimlə keçirəcəm. Yeni açılacaq məktəbimdə milli rəqslərdən başqa, hind, müasir, bal, oriental, aerobika növləri və bəylə-gəlin rəqsinin öyrədilməsi nəzərdə tutulub”. 

   Müğənni Çingiz Kurtoğlu Türkiyənin TRT Müzik kanalında yayımlanan növbəti verilişini Bakı səfərinə həsr edəcək. “Səssizcə” adlanan verilişdə o, Azərbaycanla bağlı təəssüratlarından danışacaq. İfaçının dostu, yerli müğənni Elçin Hüseynov isə canlı efirə telefon bağlantısı ilə qoşulacaq. 

   Müğənni Vasif Məhərrəmli bəzi “kişi” həmkarlarından danışıb. O, hətta özü haqqında gizli qalan məqamlardan da söz açıb: “Mən bəzi dırnaqarası kişi həmkarlarım kimi başqa işlərlə məşğul deyiləm. Adıma və kişiliyimə uyğun hərəkət edirəm. Məni qızlarla da görə bilərsiniz. Bu qəbahət deyil. Əsas odur ki, bəzi yerlərdə biabırçı vəziyyətdə yaxalanmayaq”.

 

Sərvər Mehdiyev

 

Muz-Tv.az