Xalq artisti Mirzə Babayevin 100 illik yubileyi keçirildi

Heydər Əliyev Sarayında görkəmli müğənni, xalq artisti Mirzə Babayevin 100 illik yubiley gecəsi keçirilib.

   Heydər Əliyev Sarayında görkəmli müğənni, xalq artisti Mirzə Babayevin 100 illik yubiley gecəsi keçirilib.Mərasimdən əvvəl suallarımızı cavablandıran mədəniyyət və turizm naziri Əbülfəs Qarayev bu gecənin önəmindən danışıb.Sənətkarın nəvəsi Emin Babayev və xalq artisti Canəli Əkbərov da  mərhum müğənni haqqında xatirələrini bölüşüblər.

   Gecədə ilk olaraq Mirzə Babayevin ifasında səsləndirilən “Kimlər gəldi, kimlər getdi” mahnısının sədaları altında videoyazı nümayiş olunub. Bu xoş sürpriz gələn qonaqlar tərəfindən gurultulu alqışlarla qarşılanıb.Daha sonra səhnəyə təşrif buyuran aparıcı Nərgiz Cəlilova Mirzə Babayev haqqında ürək sözlərini hər kəslə paylaşıb. Gecənin ən maraqlı məqamı isə Nərgiz xanımın mərhum sənətkarla virtual söhbəti olub.

   Mərasim ərzində “Dan ulduzu” və Mahnı Teatrının ansambllarının müşayiəti ilə bir çox incəsənət  xadimləri Mirzə Babayevin mahnılarını səsləndiriblər.

Xatırladaq ki, xalq artisti Mirzə Babayev 2003-ci il yanvarın 13-də, 90 yaşında vəfat edib.

 

Sahilə Aslanova

Ramal Gülməmmədov

 

Muz-Tv.az