Tanınmış model 5-ci dəfə ana olacaq

Alman mətbuatının məlumatına görə, super model Haydi Klum öz mühafizəçisi Martin Kristendən hamilədir. 

   Alman mətbuatının məlumatına görə, super model Haydi Klum öz mühafizəçisi Martin Kristendən hamilədir. 40 yaşlı ulduzun ana olacağı ilə bağlı xəbəri onun şəxsi məşqçisi Devid Kirş də təsdiqləyib. Xatırladaq ki, Haydi Klumun müğənni Sildən üç oğlu və iş adamı Flavio Briatoredən bir qızı var. Modelin rəsmi təmsilçiləri isə məlumatı təsdiqləməkdə tələsmirlər.

   Will I Am daha bir məşhurla ifa etdiyi duetini təqdim edib. Bu dəfə sənətçi qalmaqallar kraliçası Mayli Sayrusla birgə “Feelin myself” mahnısını ifa edib. Cütlük yeni kompozisiyaya klip də çəkdiriblər. video çarxda Will I Am-in dinamik musiqisindən əlavə, Maylinin açıq-saçıq, rəngarəng geyimlərini də görmək olur. Xatırladaq ki, Will I Am bundan əvvəl Cennifer Lopes, Castin Biber və Rihanna kimi məşhurlarla da duet ifa edib.

   Bir su firması “evli, xoşbəxt, uşaqlı” olduğuna görə Ebru Şallı ilə reklam müqaviləsi imzalasa da, bir müddət sonra modelin şəxsi həyatının qarışması bütün planları pozub. Kompaniya çəkilən reklam çarxını ləğv edib. Amma reklam üçün modelə ödənilən 250 min lirə geri ödənilməyib.

   Hollivud ulduzu Alek Bolduinin verilişinin yayımı dayandırılıb. Buna səbəb, aktyorun onu çəkməyə çalışan paparazzini təhqir edərək homofobik sözlər sərf etməsi olub. Telekanalın rəsmi saytında proqramın sadəcə bir müddətlik tətilə çıxdığı yazılsa da artıq məlum olduğuna görə “Up late” şousunun yayımı tamamilə dayandırılıb. Jurnalistlərin fikrincə, Bolduin onlarla həddən artıq özündənrazı davranırmış.

 

 

Sahilə Aslanova

 

Muz-Tv.az