Culiya Roberts kinodan gedir

Hollivud ulduzu  kino sənayesindən uzaqlaşmaq qərarına gəlib. 46 yaşlı aktrisa uzun müddət özünü sənətə həsr etdiyinə görə  bundan sonra zamanını yalnız...

   Hollivud ulduzu  kino sənayesindən uzaqlaşmaq qərarına gəlib. 46 yaşlı aktrisa uzun müddət özünü sənətə həsr etdiyinə görə  bundan sonra zamanını yalnız övladlarına ayırmaq fikrindədir. Operator Deniel Moderlə evli olan “Gözəlçə” filminin ulduzu, əkiz uşaqlarını böyütməklə  yanaşı, həm də karyera ilə məşğul olmağın çətinliyindən danışıb. “18 ildir çalışıram. Məncə, artıq evdə, öz mətbəximdə oturub övladlarımla oynamaq vaxtım gəlib çatıb. Bu, mənim özümə hədiyyəmdir” –deyə aktrisa bildirib.

   Aktrisa Meqan Foksu həyat yoldaşı Brayan Ostin Qrin və oğlu Noa ilə birlikdə stomatoloji klinikadan çıxarkən kameralara tuş gəlib. Tünd qırmızı şalvar və gödəkçə geyinən balaca körpə gəzinti zamanı atasının qucağında olub. 27 yaşlı aktrisa ikinci dəfə ana olmağa hazırlaşmasına baxmayaraq, gözəl bədən forması ilə diqqət çəkib.

   İki il əvvəl ayrılmaq qərarına gələn Hollivud ulduzları Demi Mur və Eşton Katçer nəhayət rəsmi şəkildə boşanıblar. Uzun müddətdir davam edən məhkəmə prosesi Deminin Eştondan 290 milyon dollar təzminat istədiyinə görə təxirə düşürdü. Məbləği ödəməkdən imtina edən aktyor nəhayət bütün şərtləri qəbul etmək qərarına gəlib. Xatırladaq ki, 2005-ci ildə cütlüyün ayrılmasına Eştonun xəyanəti səbəb olub.

   Amerikalı repçi Eminem “Rap God” adlı yeni klipini təqdim edib. Trek ulduzun eyniadlı albomuna dəstək məqsədilə işıq üzü görən ikinci sinqldır. Video çarxın rejissoru Riç Lidir. Ekran əsərinin çəkilişi 80-ci illər filmlərini xatırladır. Qeyd edək ki, Eminem Rihanna ilə birgə ifa etdiyi “Monster” mahnısına çəkilən klipini də bu yaxınlarda təqdim etməyə hazırlaşır.

 

Sahilə Aslanova

 

Muz-Tv.az