İradə İbrahimova Güneldən gileyləndi
Müğənni İradə İbrahimova həyat yoldaşı Ceyhun İzərlə birlikdə həmkarı Azəri qızı Günelin evində qonaq olub.Türkiyədə yaşayan sənətçilər fotolarını sosial şəbəkədə...
Müğənni İradə İbrahimova həyat yoldaşı Ceyhun İzərlə birlikdə həmkarı Azəri qızı Günelin evində qonaq olub. Türkiyədə yaşayan sənətçilər fotolarını sosial şəbəkədə paylaşıb. Günel İradə İbrahimovanın yeni albom hazırladığını da qeyd edib: “Canım dostum İradə tezliklə yeni albomla geri dönür. İçərisində çox gözəl mahnılar var. Birlikdə əla gün keçirtdik”. Öz növbəsində Günelə təşəkkür edən İradə təəssüratlarını bölüşüb: “Gözəl ürəkli Günelim, hər şey üçün çox sağ ol. Üzün həmişə gülsün. Rəhman dayının gözəl toyuq qızartmasından çox yedim, indi səsim çıxmır. 3 kiloqram kökəldim”.
Hazırda İstanbulda istirahət edən müğənni Ayan Babakişiyeva ticarət məkanlarından birinə alış-verişə gedib. Yeni il ab-havasını çox sevən sənətçi pulunu məhz bayram atributları üçün xərcləyib. Olduqca sevincli görünən ifaçı gəzdiyi yerlərdə şəkil çəkdirərək sosial şəbəkədə paylaşıb.
Müğənni Günay İbrahimli sentyabrda baş tutan konserti ilə bağlı maraqlı etiraf edib. Sənətçi solo konsertindən əvvəl dünya ulduzu Madonnanın çıxışlarına baxıb, onun hərəkətlərini öyrəndiyini bildirib: “Bir çox dünya ulduzunu dinləyirəm. Onlar arasında Rihanna da, Kristina Aqilera da var. Konsertimdən əvvəl Madonnanın çıxışlarını izləyirdim. Onun əvvəllər verdiyi konsertlərindəki hərəkətlərə diqqət yetirirdim. Bir ara cazı çox dinlədim. Gördüm ki, bu mənim ifama təsir edir, uzaqlaşdım”.
Meyxanaçı Namiq Qaraçuxurlunun ayağı sağalıb. Sənətçi bu haqda sosial şəbəkədə yazıb. O, çoxdandır ayağında gəzdirdiyi gipslərdən xilas olduğunu deyib: “Nəhayət, gipsdən qurtuldum. Amma hələ də xırda qırıqlar qalıb. O da zamanla keçəcək”. Müğənni Ramal İsrafilov “Mən səni bu qədər sevməməliydim” adlı mahnısına çəkdirdiyi klipini təqdim edib. Axşam.az-ın məlumatına görə, sözləri millət vəkili Qənirə Paşayevaya, musiqisi sənətçinin özünə aid olan mahnının ekran işini aparıcı Novruz İsmayıl çəkib. Sənətçinin yeni klipini təqdim edirik.
Sərvər Mehdiyev
Muz-Tv.az