“Rövşən” ritm qrupunun hesabat konserti baş tutdu

Türk dünyasının ustad sənətkarı, məşhur darbuka ifaçısı Misirli Əhmədin  azərbaycanlı tələbəsi Rövşən Cabbarın yaradıcısı və rəhbəri olduğu “Rövşən” ritm qrupunun...

   Türk dünyasının ustad sənətkarı, məşhur darbuka ifaçısı Misirli Əhmədin  azərbaycanlı tələbəsi Rövşən Cabbarın yaradıcısı və rəhbəri olduğu “Rövşən” ritm qrupunun Bakı Caz Mərkəzində “Ritm bir dünyadır” adlı solo konserti keçirilib.

   Gecənin əvvəlində suallarımızı cavablandıran Rövşən bəy həyəcanlı olduğunu söyləyərək konsertin hesabat xarakteri daşıdığını bildirib.Musiqiçi gecədə dinləyiciləri gözləyən sürprizlərdən də danışıb.

   Dərhal səhnəyə təşrif buyuran Rövşən Cabbar və qrupu ecazkar musiqiləri ilə hər kəsin ürəyini fəth etməyi bacarıblar. Gecənin ən maraqlı məqamı Rövşən bəyin özünün bəstələdiyi “Ritm bir dünyadır” musiqisini ifa etməsi olub. Qeyd edək ki, konsertin tarixinin 24 noyabr seçilməsi təsadüfi olmayıb. Çünki bu tarix musiqiçinin ustadı Misirli Əhmədin anadan olduğu gündür. 

 

Sahilə Aslanova

Ramal Gülməmmədov

 

Muz-Tv.az