Sərdar Ortaç Amerikaya köçür

Türkiyəli müğənni Sərdar Ortaç Mayamidən ev alıb. Sevgilisi Xloye Louqnan ilə əyləncə mərkəzlərinin birində  xoş bir gün keçirən ulduz: “Bəli, Mayamidən ev almışıq. 

   Türkiyəli müğənni Sərdar Ortaç Mayamidən ev alıb. Sevgilisi Xloye Louqnan ilə əyləncə mərkəzlərinin birində  xoş bir gün keçirən ulduz: “Bəli, Mayamidən ev almışıq. Amma daim orda yaşamayacağıq. Altı ay burda, altı ay orda qalacağıq” –deyib.

   Rusiyalı müğənni Valeriy Meladze “Via Qra” qrupunun keçmiş üzvü Albina Canabayeva ilə münasibətlərinin olduğunu daha gizlətmir. Ulduz 20 ildir birlikdə yaşadığı həyat yoldaşı ilə boşanmaq qərarına gəldikdən sonra daha sevgisini açıq-aşkar nümayiş etdirir. Belə ki, cütlük aktyor Vladimir Maşkovun yubiley gecəsinə birlikdə qatılıblar. Məşhurların səmimi davranışları diqqətdən yayınmayıb. Xatırladaq ki, 2009-cu ildə Rusiya mətbuatı Valerinin Canabayevadan qeyri-qanuni oğlu olduğunu iddia etmişdi.

   Londonda Kensinqton sarayında Şahzadə Uilyamın təşkil etdiyi evsiz gənclər üçün nəzərdə tutulan xeyriyyə gecəsi baş tutub. Tədbirdə Teylor Svift, Con Bon Covi, Ceyms Blant, Kolin Fört və başqa məşhurlar da iştirak edib. Gecənin kulminasiya nöqtəsi isə Con Bon Covinin “Livin' On A Prayer” mahnısını ifa etdiyi zaman şahzadə Uilyamın da onu müşayiət etməsi olub.

   Hollivud ulduzu Leonardo Di Kaprionun sevgilisi Jizel Bundhenlə birlikdə yaşadığı zaman istifadə etdiyi avtomobil saytlardan birində satışa çıxarıb. Sənətçi "Lexus GS 400" markalı maşınını 2001-ci ildə işlədib. Maşının hazırki sahibi Brayan onu 20 min dollara satmaq fikrindədir.  O, maşını diler vasitəsilə aldığını, lakin Leonardo Di Kaprionun adına olduğunu etiraf edib.

 

Sahilə Aslanova

 

Muz-Tv.az