Elşad Xose: “Mən yenidən qayıdıram”

Reper Elşad Xose yenidən səhnəyə qayıtmaq qərarına gəlib. Bu haqda reper özü açıqlamasında deyib. 

   Reper Elşad Xose yenidən səhnəyə qayıtmaq qərarına gəlib. Bu haqda reper özü açıqlamasında deyib. O, yeni mahnılar üzərində çalışdığını, hazırda onların studiya yazılışı ilə məşğul olduğunu bildirib: “Təzə replər yazmışam. Bu dəfə fərqli tərzdə olacaq. Yeni ildən sonra səhnəyə qayıdıram. Çoxlu ideyalarım var. Bir müddət bu aləmdən uzaq qaldım. Etiraf edim ki, onun üçün heç darıxmadım”. Elşad rəssamlıq fəaliyyətini də davam etdirir. Repçi sərgiyə hazırlaşdığını bildirib: “Artıq rəsmlərimin sayı çoxalıb. Martda sərgim olacaq”.

   Həcc ziyarətindən qayıdan müğənni Emil Bədəlov şəhər mərkəzində “Çay evi” açıb. Lent.az-ın məlumatına görə, yeni biznes quran Emil, məkanının açılışında müğənni Hacı Nazimin qızının 5 ayı tamam olması münasibəti ilə ziyafət verib.Müğənni Hacı Nazim isə ona təşəkkür edib: “Qızımın 5 ayı tamam oldu. Dünən bu münasibətlə, qardaşım Emil yeni çay evində bizə çox gözəl qonaqlıq verdi. Buna görə də, əmisi Emilə çox sağ ol düşür. Yeni biznesində də ona uğurlar arzulayıram”.

   Müğənni İzzət Bağırovun yeni klipi hazır olub.“Ayrılıq olmayaydı” mahnısının ekran işi tez bir zamanda tamaşaçılara təqdim olunacaq.Nail Naiboğlunun lentə aldığı klip eşq faciəsindən bəhs edən süjet xəttinə malikdir. Mahnının sözləri şair Cabir Novruza, musiqisi isə bəstəkar Oqtay Kazımiyə məxsusdur.

   Türkiyədə son günlərin ən çox izlənilən filmi “Mənim dünyam” Naxçıvanda nümayiş etdirilən ilk türk kinosu olub. Rejissor Uğur Yücəlin çəkdiyi film Azərbaycanda 2 həftədə 19 min nəfər tərəfindən izlənilib.
Türkiyədə isə bu göstərici 5 həftədə 1.2 milyona bərabərdir. Məşhur aktrisa Beren Saatın baş rolunu ifa etdiyi kino Avropada da sevilib. 115 min nəfərin baxdığı “Mənim dünyam” ən çox sevilən türk filmlərindən biri olub.

 

Fuad Oqtayoğlu

 

Muz-Tv.az