73 yaşlı Al Paçino gənc sevgilisi ilə paparazzilərə yaxalanıb

73 yaşlı Hollivud ulduzu Al Paçino elit restoranların birində 33 yaşlı rəfiqəsi Lyusiya Sola ilə şam yeməyi yeyərkən kameralara tuş gəlib. 

   73 yaşlı Hollivud ulduzu Al Paçino elit restoranların birində 33 yaşlı rəfiqəsi Lyusiya Sola ilə şam yeməyi yeyərkən kameralara tuş gəlib. Italyan mətbəxini çox sevməsi ilə tanınan aktyor görüş yeri üçün də məhz məşhur italyan restoranlarından birini seçib. Məkandan çıxan cütlük onları çəkən kameraları gördükdə çox təəccübləniblər. Kefini pozmayan aktyor müxbirləri salamlamaqla kifayətlənərək sevgilisi ilə oradan uzaqlaşıb.

   “Entertainment Weekly” jurnalının dekabr sayının üz qabığında Sandra Ballok yer alıb. “Qravitasiya” filminin ulduzu əyləncə dünyasının ən yaxşılarından biri elan edilib. Sıralamada həmçinin Cennifer Lourens, Mayli Sayrus, Mettyu Makkonahi, Tom Henks kimi məşhurların da adları sadalanır. Sözügedən jurnala müsahibə verən Sandra “Qravitasiya” filmində rol yoldaşı olan həmkarı və dostu Corc Kluni haqqında da xoş sözlər sərf edib.

    Rusiya pop musiqisinin kralı hesab edilən Filipp Kirkorov  övladlarının anasını gizlətməyə çalışırdı. Ulduz nəhayət bu yaxınlarda baş tutan “Qızıl qrammofon” mükafatlandırma mərasiminə sözügedən xanımla birlikdə qatılmaq qərarına gəlib. Kirkorov qadının adını açıqlamaq istəməsə də onun tamaşaçılar arasında əyləşdiyini bildirib. Xatırladaq ki, müğənni ata olacağı haqqında da ilk dəfə elə “Qızıl Qrammofon” səhnəsində danışmışdı.

     Həyat yoldaşı Erdinç Bəkiroğlundan keçən ay səssiz-səmirsiz boşanan “Möhtəşəm yüz il” serialının “Mehrimah sultan”ı Pelin Karahan bir alış-veriş mərkəzində gəzərkən görülüb. Təkbaşına mağazalarda dolaşan aktrisa daha sonra bir kafedə istirahət edib. Kefinin yaxşı olduğu görülən Pelin Karahan ona ünvanlanan sualları isə cavabsız qoymaqla kifayətlənib.

 

Sahilə Aslanova

 

Muz-Tv.az