Şou əhli bir arada

Ötən gün Moskvada “V & V company”nin rəhbəri Valeri İlişayevin qızı Anelyanın ad günü mərasimi baş tutub. 

   Ötən gün Moskvada “V & V company”nin rəhbəri Valeri İlişayevin qızı Anelyanın ad günü mərasimi baş tutub. Axşam.az-ın məlumatına görə, məclisin təşkilatçısı prodüser Tolik və Anar Mədətov olub. Azərbaycandan gecəyə əməkdar artist Ədalət Şükürov, Manana, şoumen Murad Dadaşov, müğənnilər Sevda Yahyayeva, Zamiq Hüseynov, Elton Hüseynəliyev, meyxanaçılar Ehtiram və İntiqam qardaşları qatılıb. Tədbiri Sevda, Zamiq və Elton idarə edib. Azərbaycanlı iş adamı Telman İsmayılovun Moskvadakı “Safisa” restoranında baş tutan gecədə maraqlı anlar yaşanıb.Tədbirə rus estradasının tanınmış simaları – Filipp Kirkorov, Kristina Orbakayti və Lyubov Uspenskaya da qatılıb. 

   Rəqqasə Fatimə Fətəliyeva yenidən saçlarını uzadıb. Bir müddət əvvəl uzun saçlarından imtina edib, onları qısa kəsdirən sənətçi əvvəlki imicinə qayıdıb. Fatimənini uzun saçları ilə çəkilən təzə fotolarını təqdim edirik.

   Rəqqasə Aytənin Asena ilə klip çəkdirəcəyi barədə xəbər vermişdik. Sözügedən ekran işi artıq hazırdır. Hər iki rəqqasənin geyimləri və hərəkətləri bir-birilə oxşarlıq təşkil edir. Asena ilk dəfədir ki, rəqqasə ilə klip çəkdirdiyini bildirib.

   Əməkdar artist Sevda Ələkbərzadə “Arşın mal alan” filminin saundtrekini ifa edib.Bu haqda müğənni sosial şəbəkədə yazıb: “Arşın mal alan” filmi Hollivudda rəngləndirildi. Bu, ilk işdir və çox uğurludur. Əfsanə qayıdır, yeni nəfəs, yeni həyat. Onu qeyd etmək istəyirəm ki, filmin saundtrekini mən oxumuşam. Bu işi yeni layihəmdən bir anons kimi qəbul edə bilərsiniz. Heydər Əliyev fonduna təşəkkür”.  “Arşın mal alan”la bağlı lentə alınan yeni klipi təqdim edirik.

 

Sərvər Mehdiyev

 

Muz-Tv.az