Miranda Kerr Orlando Blumu başqa kişiyə görə tərk edib?
Miranda Kerr ilə Orlando Blum cütlüyünün boşanması ilə bağlı daha bir şok iddia irəli sürülüb. Belə ki, yayılan şayiələrə görə, “Victoria`s secret”-in mələyi...
Miranda Kerr ilə Orlando Blum cütlüyünün boşanması ilə bağlı daha bir şok iddia irəli sürülüb. Belə ki, yayılan şayiələrə görə, “Victoria`s secret”-in mələyi Blumu başqa kişi üçün tərk edib. Miranda Kerrin avstraliyalı milyarder Ceyms Paker ilə münasibətlərinin olduğu iddia edilir. Qeyd edək ki, 3 ay əvvəl həyat yoldaşından boşanan Parkerin 7 milyard dollarlıq sərvətinin olduğu bildirilir.
Amerikalı müğənni Ledi Qaqa noyabrın 6-da təqdim edilən yeni albomu “Artpop”-u Yaponiyanın paytaxtı Tokioda da tanıdıb. Mərasimdə özünə çox bənzəyən oyuncaq gəlinciklərini də satışa çıxaran ulduz əldə olunan gəliri xeyriyyə məqsədi ilə istifadə edəcək. Ledi Qaqanın mahnılarını dinləmək istəyənlərin “Gagadoll” adlanan bu oyuncağın sinəsinə baxmaları kifayət edəcək.
Ötən günlərdə hamilə olduğunu açıqlayan məşhur aktrisa Dryu Berrimor yoqa dərslərindən çıxarkən kameralara tuş gəlib. 38 yaşlı ulduz 2012-ci ilin sentyabrında Oliv adlı körpəsini dünyaya gətirəndə də yoqa dərslərini axsatmadığını bildirib. “Hamilə olanda mükəmməl görünmək kimi bir məsuliyyətiniz olmur”-deyən aktrisa kökəlməkdən qorxmadığını və sağlam bir körpənin hər şeydən daha vacib olduğunu vurğulayıb.
Məşhur futbolçu Devid Bekhem öz bioqrafik filmində onu yalnız ən yaxşı aktyorun canlandırmalı olduğunu bildirib. Ulduz bu rol üçün yaraşıqlı və həddən artıq istedadlı birini axtardığını söyləyib. Namizəd kimi isə keçmiş futbolçu Leonardo Di Kaprio, yaxud Bred Pitti təklif edib.
Müğənni Robbi Uilyams Londondakı 46 otaqlıq ev üçün 29 milyon dollar ödəyib. “Woodland House” adlanan üç mərtəbəli mülk Britaniyanın paytaxtının qərbində yerləşir. Onlarla yataq və vanna otağından başqa, evdə çoxlu yemək otağı, kinozal və hovuz da mövcuddur. Qərb mətbuatının məlumatına görə, qızı dünyaya gəldikdən sonra Londona köçmək qərarına gələn Uilyams bununla övladının Britaniya vətəndaşı olmasını və burada təhsil almasını istəyib. Qeyd edək ki, Robbi Uilyams həmçinin Böyük Britaniyada Uiltşir qraflığında yerləşən XVIII əsrə aid qəsrin də sahibidir.
Sahilə Aslanova
Muz-Tv.az