Xalq artisti Elza İbrahimovanın 75 illik yubileyi keçiriləcək
Dekabrın 5-də Müslüm Maqomayev adına Azərbaycan Dövlət Filarmoniyasında xalq artisti Elza İbrahimovanın 75 illik yubileyi qeyd ediləcək.
Dekabrın 5-də Müslüm Maqomayev adına Azərbaycan Dövlət Filarmoniyasında xalq artisti Elza İbrahimovanın 75 illik yubileyi qeyd ediləcək. APA-nın məlumatına görə, tədbirdə “Dan ulduzu” ansamblı və Xalq Çalğı Alətləri Orkestrinin müşayiəti ilə xalq artisti Yalçın Rzazadə və başqaları Elza İbrahimovanın mahnılarını səsləndirəcəklər. Yubiley tədbiri Mədəniyyət və Turizm Nazirliyi ilə Azərbaycan Dövlət Filarmoniyasının birgə təşkilatçılığı ilə keçiriləcək.
Əməkdar artist Abbas Bağırov yeni mahnı ifa edib. Axşam.az-ın məlumatına görə, “Azərbaycan” adlanan bəstənin sözləri və musiqisi Anar Məmmədova məxsusdur. Bu haqda müğənni açıqlamasında deyib. O, bəstəyə Türkiyədə klip çəkdirəcəyini bildirib: “İki yeni mahnıma Türkiyədə klip çəkdirəcəyəm. Bunlardan biri Anar Məmmədovun “Azərbaycan” adlı mahnısı, digəri isə “Oyan”dır. Bu yaxınlarda dostum Hacı Nazimlə birlikdə İstanbula yola düşürəm. Yeni albomumun son hazırlıq işlərini tamamlayacağam”
“Avroviziya” təmsilçimiz Səbinə Babayeva imicində dəyişiklik edib. Bu yaxınlarda doğum gününü qeyd edən sənətçi saçlarını açıq rəngə boyayıb. Müğənni yeni saç düzümündə və makiyajsız halı ilə fotosunu sosial şəbəkədə paylaşıb.
Müğənni Yaşar Cəlilov onun adını qalmaqalda hallandıran həmkarlarının ünvanına sərt sözlər deyib. Sənətçi açıqlamasında belə həmkarlarını səviyyəsiz adlandırıb: “Mən o qədər də məşhur bir müğənni deyiləm ki, kimsə gündəmə gəlmək üçün adımdan istifadə etsin. Amma mənim də özümə görə sevənlərim var. Heç vaxt ünvanıma söz deyənin cavabını vermirəm. Bu zaman mən də onun səviyyəsinə düşmüş olaram. Mənim də bu şou aləmində çoxları xoşuma gəlmir, amma heç birinə söz atmıram”. Yeniliklərindən danışan Yaşar yaxın günlərdə Türkiyəyə gedəcəyini bildirib. Sənətçinin yeni albomu orada işıq üzü görəcək: “İki il ərzində oxuduğum bütün mahnılar bu albomda yer alacaq. Disk “Bilməzdim” adlanacaq. Albomla yanaşı maraqlı fotosessiyamı da təqdim edəcəyəm”.
Sahilə Aslanova
Muz-Tv.az