İbrahim Tatlısesin keçmiş həyat yoldaşından boşanmaları haqqında şok açıqlama

Bir neçə gün əvvəl türkiyəli müğənni İbrahim Tatlısəs və Ayşegül Yıldız cütlüyünün boşanmaları haqqında xəbər vermişdik. 

    Bir neçə gün əvvəl türkiyəli müğənni İbrahim Tatlısəs və Ayşegül Yıldız cütlüyünün boşanmaları haqqında xəbər vermişdik. Ayşegül xanım qatıldığı verilişlərdən birində 2 illik evliliklərini bitirmə səbəblərindən danışıb: “Qəbul etdiyi dərmanlara görə hərdən mənə qarşı səsini yüksəldirdi. Qızımız Əlif Adanın sağlam mühitdə böyüməsi üçün mən boşanmağa qərar verdim” –deyə gənc xanım bildirib. “Evləndiyimiz üçün bir gün belə peşman olmamışam. Heç bir təzminat almadım. Sadəcə qızımız üçün lazım olan məbləği ödəyəcək. İbrahim bəy bir başqası ilə xoşbəxt olmağı seçsə, kədərlənməyəcəyəm. Dərya Tunaya geri dönsə də incimərəm”- deyə Ayşegül xanım söyləyib.

   Britni Spirs populyar teleşoulardan birində sevgilisinə qarşı hisslərindən danışıb. Ulduz həmçinin yeni “Britney Jean” adlı albomunun tezliklə işıq üzü görəcəyini də söyləyib. Söhbət əsnasında 32 yaşlı Britni hüquqşunas sevgilisi Devid Lukadoya eşq də elan edib. “Onun şən olması, mənimlə zarafat etməsi, yaraşıqlılığı çox xoşuma gəlir. Onu həqiqətən sevirəm” –deyə pop ulduz bildirib.

   Türkiyəli aktrisa Nurgül Yeşilçay bu yaxınlarda yeni serialı ilə ekranlara geri dönməyə hazırlaşır."Cinayət" adlanan ekran işində ulduzla birlikdə  Engin Altan Düzyatan, Uğur Polad və Əhməd Mümtaz kimi məşhurlar da rol alacaq. Xatırladaq ki, sözügedən serial Danimarka istehsalı olan "Forbrydelsen"-in yenidən işlənmiş versiyasıdır. Ekran işinin 2014-cü ildə Kanal D-də yayımlanacağı gözlənilir.

   Kanadalı müğənni Castin Biber vücuduna daha bir döymə etdirib. Bu dəfə o, bədəninə Amerikanın simvolunu həkk etdirib.  Ulduz Avstraliyada verdiyi konsertdən sonra sol çiyninin üstünə qartal şəkli çəkdirib.  Castin proses zamanı çəkilən şəklini İnstagramda paylaşmağı da unutmayıb.

 

Sahilə Aslanova

 

Muz-Tv.az