İşın Karaca 22 kiloqram arıqladı

Müğənni İşın Karaca 22 kiloqram arıqlayaraq hər kəsi təəccübləndirməyi bacarıb. Məşqçisi Ayşe Yıldızın məsləhətinə riayət edərək dəniz kənarında bir evə köçən və...

   Müğənni İşın Karaca 22 kiloqram arıqlayaraq hər kəsi təəccübləndirməyi bacarıb. Məşqçisi Ayşe Yıldızın məsləhətinə riayət edərək dəniz kənarında bir evə köçən və hər gün gəzən Karaca bu çətinliyin öhdəsindən gəlib. Elə gəzinti zamanı görülən müğənni “Sahil kənarında idman etmək daha rahatdır. Hər gün 6 kilometr gəzirəm” –deyib.

   Lana Del Reyin çoxdandır gözlənilən qısa filmi “Tropico”-nun treyleri yayımlanıb. Məşhur rejissor Entoni Mendlerin çəkdiyi 30 dəqiqəlik ekran əsərində model Şaun Ross da yer alıb. Fraqmentdən anlaşıldığı qədərilə, film Hollivudun parıltılı dünyası altında gizlənən qaranlıq, kirli aləmdən bəhs edir. Ikinci albomunun çıxış tarixi hələ məlum olmayan Lana Del Reyin “Tropico”-nu Twitter-də “vida layihəsi” adlandırması hər kəsdə şübhə yaradıb. Bir çoxları ulduzun səhnədən getməyə hazırlaşdığını da iddia edib.

   Azra Akın İstanbulun məşhur alış-veriş mərkəzlərindən birində yemək yeyərkən görülüb. Nahardan sonra mağazaları gəzən Akın əynindəki paltonun arxasına mürəkkəb ləkəsinin bulaşdığını deyib. “Bu palto çox köhnədir. Çox sevdiyimə və heç kimə verməyə qıymadığıma görə hələ də geyinirəm” –deyə Azra bildirib.

   Beren Saat və Kənan Doğulu bir günlərini “film günü” elan ediblər. Belə ki, cütlük kinoteatrlardan birində ard-arda üç ekran əsərini izləyiblər. İlk olaraq “Las Veqas” filminə baxan Kənan və Bərən daha sonra Çağan Irmakın “Tamammıyız?” və “Açlıq oyunları” kinolarını izləyiblər. Salondan çıxarkən kameralara tuş gələn Saat sevgilisinin qoluna girərək gülümsəyib. Müxbirlərin cütlüyün nə zaman evlənəcəyi ilə bağlı sualları isə məşhurlar cavabsız qoyub.

 

Sahilə Aslanova

 

Muz-Tv.az