Sevda Ələkbərzadə arıqlama üsullarından danışdı

Əməkdar artist Sevda Ələkbərzadə formada qalmaq üçün özünəməxsus pəhrizdən istifadə edir.

   Əməkdar artist Sevda Ələkbərzadə formada qalmaq üçün özünəməxsus pəhrizdən istifadə edir. Axşam.az-ın məlumatına görə, müğənni artıq çəkidən xilas olma səbəblərini açıqlayıb: “Çox kök insan deyiləm. Efir hər zaman 8-10 kiloqram artıq göstərir. Ağır pəhrizlər saxlamıram. Hərdən çəkimdə artım hiss olunur. Bu zaman onu atmaq da çətin deyil. Qızardılmış, yağlı yeməklər yemirəm. Bir də ağ çörəkdən az istifadə edirəm. İdmanla məşğul olmuram. Üzgüçülük kifayət edir. Üzməyi çox sevirəm. Üzümə evdə maskalar etmirəm. Çünki hər vasitə dəriyə düşmür. Buna görə də həkim-kosmetoloqla məsləhətləşirəm. Çalışıram, daha çox kosmetoloji klinikada baxım vasitələrindən istifadə edim”.

   Müğənni Nadir Qafarzadənin ifa etdiyi “Ağlama sevda” adlı mahnı işıq üzü görüb. Bu barədə sənətçi özü məlumat verib. O, bildirib ki, sözləri Valid Qardaşova, musiqisi Rauf Məmmədova məxsus olan mahnının ilk ifaçısı xalq artisti Zeynəb Xanlarova olub: “Bir çoxları zənn edir ki, “Ağlama sevda” mahnısını Türkiyəli bəstəkarlar ərsəyə gətirib. Amma yanılırlar. Çünki, bu? Azərbaycan mahnısıdır. Həmin əsəri əvəzolunmaz sənətkarımız, bu gün hər bir ifaçıya nümunə olacaq Zeynəb Xanlarova səsləndirib. Mən də ondan bəhrələnmişəm. Düşünürəm ki, bunu oxumaqla doğru seçim etmişəm. Hər zaman Azərbaycanın əvəzolunmaz sənətkarlarının repertuarlarına sevə-sevə üz tuturam. Belə gözəl musiqimizin itib-batmasını istəmədim. "Ağlama sevda"ma yeni nəfəs qatmışam”.

   Röya Ayxan yenidən imicini dəyişib. Cəsur dəyişiklikləri sevən müğənni uzun müddət qısa saçlarının formasına toxunmurdu. Amma artıq o da uzun saçları ilə öyünür. Yeni imici ilə çəkdirdiyi fotolarını İnstagramda paylaşan Röya titul üstündə savaşan məşhurları da ələ salıb. Belə ki,başına tac şəkli çəkərək şəkil çəkdirən müğənni bununla həmkarlarına özünəməxsus cavab vermiş olub.

   Hazırda İstanbulda olan müğənni Rəqsanə İsmayılova türkiyəli heyətlə nəzərdə tutulan layihələrini həyata keçirir. SİA-nın məlumatına görə, sənətçi söz və musiqisi özünə məxsus olan 5 mahnı hazırlayıb. Rəqsanə Türkiyədə aranjeman olunan əsərləri yerli sənətçilərimizə təqdim edəcəyini bildirib: “5 müğənninin kimliyini müəyyən etmişəm. Mahnıları səslərinə dəyər verdiyim həmkarlarıma hədiyyə edəcəm. Hələlik adlarını bəlli etmək istəmirəm. Gələn həftənin sonlarında Bakıya gəlib, mahnıları təqdim edəcəm. Onu da deyim ki, sənətimdə bir sıra yeniliklər olacaq”. Qeyd edək ki, Rəqsanə Bakıda bir sıra Yeni il çəkilişlərinə də qatılacaq.

 

Sahilə Aslanova

 

Muz-Tv.az