Kənan Doğulunun konsertindən ən maraqlı görüntülər

Türkiyənin məşhur  pop ulduzu Kənan Doğulu Bakıya gəlib.Yalnız bir gün  vətənimizdə qalan səmimi qonaq konsert öncəsi jurnalistləri bir araya toplayıb ona verilən...

   Türkiyənin məşhur  pop ulduzu Kənan Doğulu Bakıya gəlib.Yalnız bir gün  vətənimizdə qalan səmimi qonaq konsert öncəsi jurnalistləri bir araya toplayıb ona verilən sualları cavablandırıb.

   Paytaxtımıza növbəti dəfə təşkilatçı Səlahətdin Atalayın dəvəti ilə təşrif buyuran Kənan görəsən nə üçün Bakıya sevgilisi, məşhur aktrisa Beren Saatla yox, tək gəlib. Elə konfrans başalayar-başlamaz müğənniyə verilən ilk sual da bu olub.Berenlə bağlı bəzi nüansları sirr saxlayan türkiyəli müğənni ata olacağı ilə bağlı gəzən şayiələrə də aydınlıq gətirib. Mətbuat konfransında sual atəşinə tutulan Doğulu əhvalını pozmadan sevənlərinin qarşısına çıxmaq üçün Heydər Əliyev Sarayına yollanıb. Türkiyənin sevilən ifaçısı Kənan Doğulu “Canlı performans” adlı konserti ilə canlı çıxışlarına start verib. Bakıya öz ansamblı ilə təşrif buyuran Kənan bəy özəl gecənin açılışını “Şeytan Tüyü” mahnısı ilə edib.Səsi  və səmimi söhbətlləri ilə heyranlarını valeh edən Doğulu daha sonra gitarada da öz məharətini göstərib.

    Uzun müddətdir yolunu gözləyənləri sevindirən Kənan Doğulu möhtəşəm Heydər Əliyev Sarayının səhnəsində bir-birinin ardınca hit mahnılarını səsləndirərək həm özü oynayıb, həm də tamaşaçıların rəqs etməsi üçün  xoş ab-hava yaradıb. Anşlaqla keçən gecədə enerji ilə bol olan və olduqca maraqlı performans nümayiş etdirən Kenan Doğulu vətəninə yola düşsə də, görünür, bu konsertin səs-sədası hələ çox gələcək.

 

Fuad Oqtayoğlu

 

Muz-Tv.az