Keremcemə böyük şok yaşatdılar

Aktrisa sevgilisi Seda Güvənlə alış-verişə çıxan Keremcem böyük şokla qarşılaşıb. Məşhur ticarət mərkəzlərindən birində gəzişən cütlük kameralara tuş gəlib.

   Aktrisa sevgilisi Seda Güvənlə alış-verişə çıxan Keremcem böyük şokla qarşılaşıb. Məşhur ticarət mərkəzlərindən birində gəzişən cütlük kameralara tuş gəlib. Mağazaların bağlanma elan verməsinə baxmayaraq məkanı tərk etməyən sevgililər içəridə qalıblar. Bir neçə dəqiqə sonra Keremcemi görən mağaza işçiləri qapıları yarıya qədər açıblar. Cütlük əllərində paketlərlə mağazadan heyrət içində çıxıb və düşdükləri vəziyyətə sadəcə gülümsəməklə kifayətlənə biliblər.

   Paparazzi Eşton Katçer və Mila Kunisi bir toy mərasimində görüntüləyə bilib. Tədbirin səbəbkarı aktrisanın qardaşı olub. Qərb mətbuatının məlumatına görə, Kunislə Katçerin də toyu yaxın gələcəkdə baş tutacaq. Eştonun yayda Milaya evlilik təklifi etdiyi bildirilir. Cütlük aktyorun Demi Murdan rəsmi şəkildə boşanmasını gözləyib. Mila Kunis tezliklə öz toyunda çiçək buketini göyə atacağını söyləyib.

   Alla Puqaçova uzun müddət davam edən fasilədən sonra yeni mahnıları üzərində çalışmaları bitirib. Artıq noyabrın sonunda hit mahnıların alboma daxil edilməsi işi sona çatıb. Xəbər verildiyi kimi, kompozisiyalardan biri “Alov çiçəyi” adlanır və primadonna əsəri Yeni ildə təqdim edəcək. Həmçinin yaz aylarında Puqaçovanın yubileyinə həsr olunan “Kuraj” serialı da ulduzun heyranlarının ixtiyarına veriləcək.

   Qalmaqallı müğənni Ledi Qaqa Milad və Yeni il bayramlarına aktiv şəkildə hazırlaşır. Bu günlərdə ulduz yenə qeyri-adi geyimi ilə paparazzilərin diqqətini cəlb edə bilib. “Jingle Bell Ball” mahnısındakı performansı ilə uyğunlaşmaq üçün Ledi Qaqa tədbirlərdən birinə yeni il  ağacı formasında qatılıb. Müğənni Santa Klausun geyimini xatırladan qırmızı libas geyinib və başına yaşıl ağac şəkilli papaq taxıb. Sənətçi ağaca adət etdiyimiz kimi şarlar və ulduz da taxıb.

 

Sahilə Aslanova

 

Muz-Tv.az