Məşhur qrupun solisti paytaxtımızın qonağıdır

Əfsanəvi “Üç-kuduk” qrupunun solisti Ziyod İşanxocayev ölkəmizin qonağı olub. 

    Əfsanəvi “Üç-kuduk” qrupunun solisti Ziyod İşanxocayev ölkəmizin qonağı olub. Hava limanına ayaq basar-basmaz müxbirlərlə qarşılaşan Ziyod bəy vətənimizə gəlişindən duyduğu məmnunluğunu dilə gətirib. Sənətçi azərbaycan dilində bildiklərini də bizimlə bölüşməyi unutmayıb.

    Artıq xəbər verdiyimiz kimi, sənətçinin ölkəmizə səfərinin əsas məqsədi Roza Zərgərli ilə oxuyacağı duetlə bağlıdır. Tanınmış qrupun solisti müğənnimizlə necə tanışdıqlarının tarixçəsindən danışıb. Ziyod bəy Roza xanımla ifa edəcəkləri “Tı i ya” mahnısını da zümzümə edib.

    Bir neçə dəfə ölkəmizin qonağı olan sənətçi xüsusilə bu səfərinin daha önəmli olduğunu bildirib. Azərbaycan musiqisinin zənginliyi haqqında ağızdolusu danışan Ziyod bəy bir neçə mahnımızı da ifa etməyi unutmayıb.

    Daha sonra jurnalistlərə təşəkkür edən Ziyod İşanxocayev çıxışa doğru irəliləyib.  Maraqlısı budur ki, sənətçinin duet ortağı olan Roza Zərgərli məşhur qrupun solistini qarşılamağa gəlməyib.

 

Sevda Məmmədova

Ramal Gülməmmədov

 

Muz-Tv.az