Kənan və Bərənə edilən təkliflərin ardı-arası kəsilmir

Kənan Doğulu və Bərən Saatın reklamlarında rol almasını istəyən firmalar hərəkətə keçiblər. 

   Kənan Doğulu və Bərən Saatın reklamlarında rol almasını istəyən firmalar hərəkətə keçiblər. Belə ki, bir inşaat kompaniyası cütlüyə 3 milyon, bir bank isə 4 milyon dollarlıq təklif edib. May ayında nikah masasına oturmağa hazırlaşan Kənan və Bərənin atdığı hər addımın hadisəyə çevrilməsi bəzi firmaların diqqətini cəlb edib. Hələ qəti bir cavab verməyən cütlük münasibətlərinin reklam vasitəsi olacağından ehtiyat edir.

   Dünyanın ən çox qazanan modellərindən biri olan “Victoria's Secret”-in mələyi Alessandra Ambrosio dəb dünyasına qatılmaq üçün 11 yaşında plastik əməliyyat etdirməli olub. “The Edit” jurnalına müsahibə verən 32 yaşlı super model uşaq vaxtı qulaqlarının həddən artıq böyük olmasından utandığını deyib. “Həmişə model olmaq istəmişəm, amma qulaqlarım bir az böyük idi. Braziliyada estetik əməliyyat edən məşhur həkimlə tanış oldum. Əməliyyatdan sonra çox əzab çəkdim. Bəzi gecələr kiminsə qulaqlarımı kəsdiyini hiss edirdim. Bir il ərzində ard-arda kiçik əməliyyatlar etdirməli oldum” –deyə Alessandra xəyalını reallaşdırmaq üçün 11 yaşında atdığı addımdan danışıb.

    Daha bir “Victoria's Secret” modeli Lindsi Ellinqson evli “mələklər” sırasına qatılacaq. Ellinqson 6 ildir birlikdə olduğu, tibb ləvazimatları satan sevgilisinin “Şükran günü”ndə etdiyi evlilik təklifinə razılaşdığını açıqlayıb. Gözəl ulduz 2014-cü ilin iyununda nikah masasına əyləşəcəyini söyləyib

    Bekhem ailəsi yeni il tətillərini Karib adalarında keçirəcək. Məşhur ailə Kaykos və Terks adalarında yerləşən 70 min funt sterlinqlik villada 1 həftə istirahət edəcək. Bekhemlərə bu tətildə ulduz futbolçunun yaxın dostu, məşhur restoranlar şəbəkəsinin qurucusu Qordon Ramsi və ailəsi də qoşulacaq.

 

Sahilə Aslanova

 

Muz-Tv.az