“Nargis” jurnalından növbəti maraqlı bir addım

Ötən gün Fəvvarələr meydanında Yeni il yarmarkasının açılışı reallaşıb. “Soyuq əllər, isti ürəklər” şuarı altında baş tutan gecə xeyriyyə məqsədi daşıyıb...

   Ötən gün Fəvvarələr meydanında Yeni il yarmarkasının açılışı reallaşıb. “Soyuq əllər, isti ürəklər” şuarı altında baş tutan gecə xeyriyyə məqsədi daşıyıb.  “Nargis” jurnalının təşkilatçılığı ilə keçirilən yarmarkada Yeni ilə aid əşyalar satışa çıxarılıb. Jurnalın direktoru və məsul redaktoru Könül Nağıyeva əldə ediləcək gəlirin xeyriyyə işlərinə sərf olunacağını söyləyib.

   Daha sonra isə Könül Nağıyeva  uşaqlarla birgə gecənin açılış düyməsini basıb. Rəsmi açılış mərasimindən sonra “Bethevan” qrupu səhnədə öz yerini alıb. Ard-arda səsləndirilən ritmik mahnılar gecəyə xüsusi rəng qatıb.

   Qeyd edək ki, yarmarkanın bağlanış mərasimi dekabrın 20-də baş tutacaq. Həmin gün keçiriləcək lotoreyada iştirak edənlər Dubaya səyahət və bəstəkar-ifaçı Emin Ağalarovun konsertinə 2 bilet qazanmaq imkanı əldə edəcəklər.

 

Sərvər Mehdiyev

Ramal Gülməmmədov

 

Muz-Tv.az